Ora bo ta traha duro e tropiesonan cu opositornan corupto kier pone den bo caminda ta hopi. Pero ora bo ta traha cu honra niun flie di noticia falso lo coy biento.
Desde cu Minister Glenbert Croes a bira Minister, e prome cambio significativo, na mes momento emblematico, cu el a anuncia ta di ta elimina e fenomeno corupto di ontheffing. Pa e mandatario por a logra esaki el a institui cu Team di Maneho nobo na DPL. Mientras tanto Glenbert Croes su maneho riba tereno laboral tambe ta cla y ta den pleno ehecucion. E cambionan aki a trece resistencia cu ne den e propio DPL unda e grupito cu tambe a haci fiesta hunto cu AVP, a cuminsa boycotea e maneho di e mandatario. E boycot aki a culmina recientemente cu un ‘broadcast’ completamente falso y un articulo den e corant Awe Mainta completamente falso.
Team di Maneho di DPL ta haciendo su propio investigacion di unda informacion ta sali for di DPL. Na bureau di Minister ya nos tin nomber y fam. “Nos ta laga e investigacion sigui su caminda pa despues nos tuma e pasonan necesario”, Glenbert Croes a declara.
Tin un Gobierno nobo. Tin un Minister di Labor nobo. Un Mandatario ta honra transparencia cu no ta tolera ningun acto di corupcion. Y e grupito hunto cu nan partido y nan medianan cumpra por purba di boycotea su maneho recto y corecto, pero Aruba ta na prome luga den e Gobierno aki. Y si un empleado publico cu mester ta sirbidor di pueblo no por ta corecto den su trabou, no por ta parti di e Ministerio aki.
Pues, e noticia di Toko y Awe Mainta y AVP ta FALSO.