Parlamentario di AVP, Michael Lampe: tin hopi pregunta sin contesta
ORANJESTAD, Aruba – 30 di Augustus 2018: Den Parlamento a cuminsa e reunion di cual gobierno a trece nan punto y update riba e parti di gobernacion, pero tambe plannan cu tabatin. Durante e reunion Fraccion di AVP a haci algun pregunta caba, di cual algun ta loke nan a haci caba y no a ricibi contesta.
Fraccion di AVP a haci varios pregunta na ministernan y no a ricibi contesta riba nan pero ta spera di ricibi esaki. Parlamentario di AVP, Michael Lampe a haci diferente pregunta na minister di asuntonan social, kende a papia di pone hobennan bek na trabou. Fraccion di AVP kier sa con ta bay haci esaki, kico ta e plan tras di esaki y cuanto e costo ta tras di esaki. Pero tambe e fraccion ta desea di sa si tin un indicacion di cuanto hoben ta sin trabou na e momentonan aki.
Asina aki e fraccion por tin un indicacion na unda y controla tambe con e proyecto/plan ta funcionando di parti gobierno. Parlamentario Lampe hunto cu Fraccion di AVP kier sa tambe den contexto di good governance, innovacion ta un punto hopi importante. Desde comienso gobierno a papia riba innovacion y tin fundacion cu ta draai e parti aki. Parlamentario Lampe a haci preguntanan riba con e fundacion aki ta funcionando y si ya caba nan ta ricibiendo un budget for di gobierno, con nan ta yega na nan “besluit vorm.” Tur esaki ta puntonan cu Parlamento mester sa pa asina por sigura cu ta papiando di good governance, claridad pa loke ta trata gobernacion.
Ta spera cu por haya un update real riba un punto cu ta hopi fragil di cual hopi hende ta puntrando nan mes cuanto hende gobierno ta tumando den trabou. Ta spera di por a haya un update kico ta e costonan di personal, si tin mas hende cu a bin acerca. Gobierno a priminti di kico lo ta e plan pa baha e costonan di personal cu ta trahando den gobierno, pa asina tin un bista riba esey.
Parlamento Lamp ta kere cu ta importante pa pueblo puntra nan mes, pa mira cuanto cos eyfo nan a priminti door di e gobierno actual. Tur hende sa cu mayoria di e puntonan nan no a cumpli cun’e, e promesanan haci. A spera cu durante e reunion por a haya sa mas kico ta haci y asina Fraccion di AVP por haci nan trabou for di Parlamento.
FIN