Balashi: Diahuebs algo prome cu 11’or di anochi ta sosode un accident cu un persona herida y hopi dañonan material na rotonde di ex Drive In.
Un Suzuki preto, maneha pa un dama, tabata biniendo di pariba, cu velocidad halto, esta dama a perde control riba e stuur, a dal contra e rotonde, e impacto fuerte a causa hopi daño material na e auto y na e rotonde tambe.
Ariba e caminda tabata tin hopi resto di beton procedente di e rotonde, tambe tabata tin azeta basha riba e caminda esaki a basha despues di e impacto fuerte.
Polis na e sitio a pidi pa presencia di brandweer pa haci e caminda riba e rotonde limpi, mirando cu tabata tin basta pida piedranan y azeta gespart.
E dama chauffeur probablemente bou influencia, tabata keha di dolor den pecho, den e impacto cu su pecho ela kibra e stuurwiel. Esaki tawata un indicaccion di con fuerte e impacto tawata.
Na prome instante e dama no kier a haya asistencia medico di personal di ambulance pero despues mirando e dolornan fuerte cu e tabata hayando, no a keda e dama nada otro di acepta asistencia medico di ambulance, despues cu personal di ambulance a prepara e dama na e sitio, nan a transport’e pa hospital.