Shaba: Diasabra algo prome cu 8’or di mainta, polis y ambulance ta wordo cu hopi urgencia, na altura di Do It Center, pa motibo cu un auto a dal un homber.
Na yegada nan ta topa cu un homber Hulandes seriamente herida. E homber aki tin algun aña bibando na Aruba, segun nos a compronde na e sitio, e persona aki no tin niun famia na Aruba.
E homber tabata banda di pariba di caminda y lo a core subi caminda, sin mira cu tabata tin un Nissan Cube biniendo di panort. E Nissan Cube a dal e y a lague seriamente herida. Segun e chauffeur di e Nissan Cube na prome instante e no a mir’e y ora ela mire tabata laat y e caminda tabata muha.
E impacto tabata asina fuerte cu e auto a haya basta daño material na e parti dilanti, den e impacto e homber a dal den e windshield y a kibra esaki.
E homber a haya hopi golpi na diferente parti di su curpa y tambe ambos pia a keda fractura.
Na momento cu personal di ambulance tabata atendiendo cu e homber pa asina prepar’e pa por transport’e pa hospital, e homber tabata grita di hopi dolor.
E victima a wordo transporta cu ambulance pa hospital.