Rooi Taki, Franse Pas: Diasabra pa mas o menos 6’or y mey di mainta ta sosode un accidente serio den Franse Pas, esaki a sosode na altura di e bocht pa bay Wela. Mesora polis y ambulance ta wordo manda cu urgencia na e sitio.
Na yegada di e prome patruya, nan ta bin topa cu un colega cu ta envolvi den e accidente aki. E colega polis di Fam S, tabata manehando un Yaris Preto y pa un of otro motibo lo a hala na su man robes y a dal frontal contra e Chevrolet Optra berde cu tabata biniendo di direccion contrario. E impacto tabata hopi fuerte cu e chauffeur di e Chevrolet optra a keda pega den su auto.
E polisnan na e sitio mesora a pidi pa asistencia di Materiaalwagen di brandweer, pa libera e chauffeur di e Chevrolet optra.
Mirando cu tin un polis envolvi a pidi tambe pa specialista di trafico. Officier van Dienst di Brandweer y di ambulance tambe tabata na e sitio.
Despues cu personal di brandweer a logra libera e chauffeur di e Chevrolet optra, personal di ambulance a transporte pa hospital.
E chauffeur di e Toyota Yaris preto tambe tabata herida y a wordo transporta pa hospital.
E caminda di Franse Pas a keda pa basta rato cera pa trafico, te ora takelwagen a presenta pa takel e autonan.