Italia – Diasabra 28 di juli un homber Hulandes a wordo deteni na Venezia Italia, relaciona cu un dobel asesinato na Republica Dominicana.
Segun prensa Italiano e homber naci na Curaçao di inicialnan C.A.L di 61 aña ta wordo sospecha di a asesina dos persona na Santo Domingo.
E detencion a tuma luga den un hotel ariba 28 di juli ultimo. Un team special tawata sigui tur movecion di e homber aki.
Peticion pa detene e homber aki a wordo haci door di autoridad di Republica Dominicana via samenwerking cu Interpol.
Juni 2017, a haya dos curpa sin bida di dos Hulandes biba na Amsterdam.
Tawata trata di Rachid Benbouker (33) y Cuma Cevis (36).
Ambos a ser haya den un buraco, ariba un plantacion di caña (sucu).
Ariba e curpanan tawata tin heridanan di bala. Na 2017 prensa di e pais a papia di “Sicarios curazoleños “
Segun e team investigativo, e incidente aki lo tin di haci cu reglamento di cuenta di droga.
Relaciona cu e mes un caso aki, un homber Ingles Michael J.M biba na Liverpool, a wordo deteni algun tempo prome na aeropuerto di Medellin Colombia.
E tambe ta ser sospecha di ta meti den e dobel asesinato di e Hulandesnan.
