Home Dutch Kingdom Misanan na benta, hulandesnan birando lomba pa nan misa

Misanan na benta, hulandesnan birando lomba pa nan misa

SHARE

Amsterdam, Hulanda: Un cantidad grandi di hulandesnan no ta bishitando cas di Dios mas, ta premira cu pronto miles di misanan mester cera nan porta y no ta keda nada otro di ponenan na benta.

Segun algun experto hulandes den e ramo di realestate,  ” e bom ta cerca di rementa, paso e personanan den e bestuurnan di misa, mayoria ta riba 70 aña, e misanan falta hopi trabou di mantenimento y no tin suficiente entrada”.

Misanan confrontando problemanan serio y ta cera</strong>
Basta aña pasa a wordo premira cu cada siman dos misa lo cera nan porta, pero esaki no a yega asina leu Si ainda, ta premira cu aki 5 pa 10 aña esaki lo por ta e caso, pero pa e tempo ey e por bira te hasta 5 pa siman of mas. Ta di spera cu no yega asina leu, paso e ora SI esaki lo trece problemanan hopi grandi cune, paso esey lo kemen cu pa e tempo ey lo no tin hende mas den e bestuurnan di misa y lo bay tin hopi mas misa cu falta mantencion.

Parochianan cu problemanan financiero
Recientemente na Vrij Universiteit, un orador a tene un discurso riba e futuro di e edificionan di e misanan na hulanda, “mirando cu e parochianan ta den rood, no tin reserva mas, y ta perdiendo hopi placa cu mantencion di e edificionan di misa, pa soluciona e problema aki”, e ta premira cu e bestuurnan lo bay cuminsa evalua pa bende e misanan.

E bestuur di e misanan no ta esun cu mester cuida e herencianan religioso aki. Pero e perservacion di un edificio religioso como monumento ta responsabilidad di e comunidad.

Misanan ta haya destinacion nobo of ta wordo benta abou
Den e ultimo decenia ya un 1300 misa a haya un destinacion nobo of nan a wordo basha abou. Segun calculacionnan tin un 4 mil misa cu ainda tin un funcion religioso.

Cuanto misa lo keda mantene nan funcion religioso den futuro ta un pregunta.

Menos hende bayendo tur weekend misa ta treciendo problemanan serio pa cu e misanan
Un arzobispo di Utrecht a predici algun aña pasa cu den su bisdom 20 di e 300 misanan so lo keda existi.
E causa principal di esaki ta e bishitanan di misa a baha drasticamente, 50 aña pasa na Hulanda tur weekend 2.7 miyon katolico tabata bay misa. Segun un agencia di investigacion katolico e cantidad aki a baha na Hulanda te na 214.000 cu actualmente ta bayendo ainda tur weekend misa. Segun investigacionnan haci nan ta premira cu e cantidad aki lo baha na 2030 te na 60.000 katolico cu lo sigui bay cas di Dios tur weekend fielmente.

Esaki kemen cu solamente 300 parochia lo keda cu un misa den funcion, actualmente e religion Katolico Romano tin mas o menos 1480 misa.

Misanan protestant tambe cu hopi problema
E misanan protestant tambe ta pasando den e mesun problema, 5 aña pasa nan tabata premira cu di e 2 mil misanan protestant na Hulanda , 800 lo cera nan porta, pero mirando con liher e populacion hulandes ta birando lomba pa Cas di Dios, mas sigur mitar di tur misa, di tur religion lo mester bay cera nan porta.

200 pa 300 misa bashi y no lo wordo usa mas.
Actualmente tin hopi edificio di Misanan bashi cu ainda nan no a haci nada cu nan, ta wordo calcula cu entre 200 pa 300 misa no lo wordo usa mas, pero e ta un proceso prome cu un parochia por despedi definitivamente di su misa, esaki lo dura algun aña.

Misanan ta wordo cumpra y desaroya den hotel, apartamento etc.
Algun misa mientrastanto ya a wordo converti den Biblioteca, un sala pa concierto, un Tienda di buki, creche pa mucha of te hasta den hotel. Bunk hotels a converti misanan na Amsterdam y Utrecht den hotel. Tambe tin Proyect developers cu ta cumprando misa y ta traha nan den compleho di apartamento, te hasta apartamentonan hopi luhoso.

Misanan protegi
Un problema cu tin ta cu hopi misa ta riba lista di monumentonan y nan ta wordo protegi, e misanan ey no por mishi cu nan.

Converti misanan Catolico den Moskee
Esnan di e religion Musulman tambe ta purba wak si nan por logra cumpra misanan Katolico of protestant pa converti’e den un moskee, pero esnan di e religionnan catolico y protestant no ta mucho di acuerdo pa cu esaki.