New York: Den Queens den e bario di Astoria, Dialuna anochi ta sosode un tripel asesinato y un suicidio. E homber di fam Shield di 39 aña ta tira su ex casa Linda Olthof (47 aña) y su yiu homber di (6 aña), su pareha Saskia y despues ta comete suicidio, ambos dama tabata hulandes.
James Shield tabata un fisioterapista y tabata casa cu e actrice y artista Hulandes Linda Olthof, hunto nan tabata tin un yiu homber di 6 aña. Nan a divorcia y Mama cu yiu a bay biba na Hulanda. Linda cu James Jr. tabata di vakantie na New York, pa dos motibo pa James Jr. por conoce New York y alabes por a pasa tempo cu su tata.
James Shields tin añas ta bringando pa haya custodia di su yiu, desde April, James a cuminsa keha cu su ex casa ta tene su yiu leu di dje y esaki segun su persona ta hinke den problema financiero y ta kita su felicidad. Door cu e como tata e tin solamente dos siman pa aña derecho di mira su yiu y tabata kier a pasa mas tempo cu su yiu. Linda pa cumpli un banda cu deseo di e tata di su yiu a escohe e biaha aki di keda dos luna na New York y cu asina e tata lo tabata tin mas tempo di pasa cu su yiu, sin sa e intencion di e tata.
E tragedia aki a tuma lugar Dialuna, pa mas o menos 9’or di anochi na momento cu Linda Olthof y su yiu tabata na e cas unda Shields ta bibando cu su pareha actual. Shields lo a habri porta y a tira Linda, despues a tira su mesun yiu, bay tira su pareha actual y despues a corta su garganta y asina pone fin na su bida.
James Shields a laga un carta atras, bisando cu su bida tabata perfecto pero awo su bida ta destrosa.
Un persona cu a bay benta sushi afo a pasa dilanti di un bentana di e cas y a mira e curpanan tur banda di otro, e persona aki mesora a bati alarma.
Segun polis James a usa dos Glock cu recientemente ela cumpra legalmente, e tabata tin permiso pa tin nan y tambe e tabata tin dos peña carga.
Algun tempo atras via internet James tabata colecta placa via GoFundMe. cu ela duna e titulo “Child Kidnapping”. E divorcio a hacie desespera cu e tabata pasa di un caso pa otro caso den corte.
Ministerio di Asuntonan Externo na Hulanda a informa famia di Linda Olthof di e tragedia y nan ta asistiendo nan cu tur e tramitenan pendiente.
Tata di James Shield, un tata hopi kibra y tabata bisa” My son was a good boy and my grandson was beautiful.”