Home Police Auto di polis envolvi den un accident, dos agente a keda herida

Auto di polis envolvi den un accident, dos agente a keda herida

Caya G.F. Betico Croes, Cumana: Dialuna algo pasa di 11’or di mainta, na momento cu Flexteam tabata bayendo pa asisti recherchenan di San Nicolas den e persecusion, nan ta keda envolvi den un accident, den cual dos agente ta keda herida.

Esaki a sosode na e T kruising net pabou di e cura di Ex Codemsa, na momento cu FLexteam tabata bayendo pariba, nan ta dal contra un pickup maneha pa un homber, e impacto fuerte ta pone cu e pickup ta bay dal contra un Chevrolet Celta cu ta na benta, staciona panort di caminda.

Dos agente policial a resulta herida, un di nan tabata kehando dolor na pecho. Ambulance a presenta y controla tur esnan envolvi den e accidente, a transporta e dos agentenan policial herida pa hospital.

Polis di trafico a presenta pa haci mas investigacion.