Home Police Homber cu kemaduranan serio despues cu botter di gas a rementa den...

Homber cu kemaduranan serio despues cu botter di gas a rementa den su apartamento

Papilon:Diahuebs algo prome cu 3’or y mey, patruya di Santa Cruz ta wordo manda cu urgencia na un adres na Papilon, caminda lo a scucha un explosion basta fuerte.

Na yegada e patruya ta topa cu un homber grandi kende tabata para pafo di un apartamento y tabata grita cu su curpa ta kimando. E homber tabata full kima for di cabes te pia, especialemente na su cabes ela ricibi kemaduranan hopi serio. Polis a pidi pa ambulance cu hopi urgencia mirando cu e homber tabata tin kemaduranan hopi serio,

Na e sitio nan ta bin compronde cu e homber tin un botter di gas den su apartamento y esaki pa un of otro motibo elo a rementa.

Den e apartamento tabata tin candela y a pidi tambe pa presencia di brandweer, cu hopi liher a yega y a paga e candela.

Despues cu personal di ambulance a trata e homber na e sitio a transporte cu hopi urgencia pa hospital. E chens ta hopi grandi cu elo wordo manda Colombia pa tratamento, mirando e kemaduranan fuerte cu ela ricibi.