Home Police Accidente fatal ta cobra bida di dos persona

Accidente fatal ta cobra bida di dos persona

Shaba: Diahuebs den careda di 3’or di marduga ta sosode un accidente fatal, esaki a sosode na altura di e mall na Shaba.

E accident a sosode na momento cu un brommer, Hayabusa blanco maneha pa un homber tabata biniendo cu velocidad hopi halto di pazuid y un Nissan Sentra biniendo di panort ta lora su dilanti pa bay na e garoshi di cuminda, cu ta situa dilanti di e mall pariba di caminda.

E impacto tabata hopi fuerte cu e manehador di e brommer y e pasahero di e Nissan Sentra ta fayece mesora, e chauffeur di e Nissan Sentra a keda gravemente herida.

E prome polis cu a yega na e sitio, mesora a pidi pa presencia di mas polis, ambulance, materialenwagen.

Despues cu personal di ambulance a yega na e sitio, enberdad no por a haci nada mas pa e dos personanan aki, ambos no tabata dunando señal di bida mas y no a keda nan nada otro cu pa pidi pa presencia di un Dokter y instancianan concerni.

E chauffeur di e Nissan Sentra despues cu personal di ambulance a trat’e na e sitio a transport’e cu hopi urgencia pa hospital.

E caminda a keda cera pa trafico, mientras cu e team investigativo di Polis ta haciendo mas investigacion.

Familiares di un di e victimanan a presenta na e sitio, e tata kende ta un persona delicado di salud, despues cu ela mira su yiu sin bida riba e caminda drumi, e no tabata por cu esaki y a bira malo, personal di ambulance a trat’e na e sitio y despues a transport’e pa hospital.

Arubanative.com kier a extende su mas profundo palabra di condolencia y hopi forsa na famia di e fayecidonan.