Ariba diadomingo 10 di juni 2018 a tuma luga e grandioso evento di Quota International of Aruba. Den un Renaissance Convention Center completamente yen, tur hende a disfruta bailando cu Robert y su Solo Banda, ‘N Fuzion y Miniteca Genie.
E aña aki e tema tawata Picnic Dansant Boots & Bling!
Nos a keda masha contento di por a mira con tur hende a luci durante e atardi bisti cu “bling” y boots masha bunita decora. Meta di nos evento tawata pa recauda fondo pa hasi donacion entre diferente organización durante Maart 2019 na Aruba.
E premio mayo tawata 2 tickets pa Bogota, Colombia, cortesia di S.E.L. Maduro & Sons cual a ser gana pa Sra. Magnolia Schwengle kende a ricibi su premio es atardi mes. E atardi a conta cu varios doorprize cu a wordo rifa y entrega durante di e evento.
Quota International of Aruba kier a gradici e pueblo di Aruba pa nan sosten y aporte continuo.
Quota International of Aruba ta un club di Servicio di damas cu ta enfoca ariba ‘empowering’ hende muhe, mucha y esnan cu problema di oído y habla den nos comunidad. Pa mas informacion di Quota please bishita www.quotainternational.org of por tuma contacto cu nos via nos Facebook page www.facebook.com/Quota-International-of-Aruba
.