Diabierna ultimo CAFT tabata na Aruba unda nan a reuni cu gobierno mainta tempran y 11 am pa 12.30 pm cu Parlamento di Aruba pa un rato despues nan a duna un conferencia di prensa pa amplia riba nan reunionnan na Aruba. Mester bisa cu e reunion a bay hopi positivo. Parlamentario Endy Croes tabata fuerte cu CAFT riba cierto puntonan y lo bin riba esaki den un otro articulo. CAFT tabata den discucion cu gobierno riba diferente punto pero sigur dos punto cu CAFT tabata di opinion cu segun nan no ta realistico.
Placa di RDA
Un placa di RDA cu pais Aruba a usa den su begroting di 17.5 MIYON florin, CAFT no ta kere den esaki debi na e historia malo di e gobierno anterior cu a usa un suma di 73 MIYON florin di CITGO pa purba klop nan begroting 2017 y p’asina cumpli cu Ley LAFT, esta un deficit di 0.5% den 2017 di cual nunca AVP no a cumpli. Entre otro e placa cosmetico di CITGO cu AVP a usa cual nunca a drenta caha di gobierno. Otro aspecto cu CAFT tabata preocupa ta e gastonan di personal. Akinan gobierno a presenta un plan di cual CAFT a bay di acuerdo y asina a cera tambe e desafio y/of desenlace cu por tabata existi y CAFT a bisa cu Aruba awor ta cumpli (voldoet) cu tur e recomendacionnan di CAFT.
Haci debe pa stimula economia?
Parlamentario Croes ta sigui splica cu el a sigui e conferencia di prensa cu atencion momento cu Elvis Weert a lansa algun pregunta na CAFT. Elvis Weert textualmente: “Voormalig kabinet van AVP heeft een beleid gevoerd door schulden te maken om de economie te stimuleren. Heeft dat gewerkt naar U mening?” Raymond Gradus ta contesta cla y raspa: “Nee, de dure les van afgelopen tijd is geweest. Het creëren van schulden om de economie te stimuleren WERKT NIET bij een kleinschalige economie. Heel veel lekt weg naar het buitenland. Onze CONCLUSIE is dat , dat NIET HEEFT GEWERKT”. CAFT a contesta Elvis Weert cla y raspa. Hustamente esaki ta un pregunta unda nos por comproba awor cu e maneho di Mike Eman y Mike De Meza, kendenan porcierto dialuna ultimo ainda a grita esaki na San Nicolas, cu AVP a scoge pa stimula y engrandece economia y no pa medida. Aunke cu hasta akinan ambos ta gaña como cu AVP a golpia nos pueblo cu alrededor di 30 medida mester reconfirma awor cu back up di CAFT cu nan filosofia di Paul Krugman no a funciona at all.
Desaster financiero di AVP
Tambe Elvis Weert a puntra CAFT si locual Staatssecretaris Raymond Knops a bisa 2 siman pasa ta klopt, esta basa riba declaracion di Knops cu e Overheidsstaatsschuld a redobla den 8 aña di AVP di 40 pa rond 90%. Raymond Gradus Presidente di CAFT a contesta Elvis Weert den rueda di prensa: “Dat Klopt. Als Knops dat heeft gezegd, DAT KLOPT! Dat zijn gewoon de reële cijfers”. Pues reconfirmando e DESASTER FINANCIERO cu AVP a laga atras. Mike Eman y AVP mester keda leu di gobernacion y pueblo lo mester percura pa nunca pero nunca mas e desgraciadonan aki bin bek na poder, Croes ta termina bisando.