A bishita supermercadonan tur rond di Aruba
ORANJESTAD, Aruba – 6 di Juni 2018: Brouwerij Nacional Balashi a organisa un competencia di team building y tambe a haci un “rebranding” di cerbes Balashi na e supermercadonan situa tur rond di Aruba. Algun siman atras Brouwerij Nacional Balashi a lansa e imagen nobo di cerbes Balashi.
Como parti di e lansamento ey, a organisa e Balashi Blitz. A forma 6 grupo di cual cada un tabatin un lider. Asina aki e gruponan a bay den diferente bario, manera Santa Cruz, Playa, Paradera, etc. pa bishita clientenan specifico. Aki e gruponan a percura p’e imagen nobo ta mas visibel den tur supermercado.
Pa Tropical Bottling Co. esaki tabata un experimento, unda cu pa prome biaha a haci esaki cu nan marca di cerbes. E idea tabata spontaneo y e evento tabata masha exitoso. Fuera di a “bond” cu otro, a mix e teamnan cu empleadonan di diferente departamento y hunto cu e ehecutivonan di MetaCorp.
E teamnan a bay den mercado, a traha ‘display’ y percura pa tur elemento necesario p’e publico por sa cu cerbes Balashi tin un imagen nobo y ta presente den e supermercado y minimarketnan. Despues di a pasa diferente supermercado, e teamnan a termina na Balashi Beer Garden. Esaki tabata un evento di team building, cu tur hende trahando hunto pa logra un meta.
Despues di un dia exitoso, e resultado di e competencia di team building a bira cu pa “Most accounts activated” a bay pa “Team di San Nicolas & Sta. Cruz”. Pa e categoria “Most extra Display” tambe a bay pa “Team San Nicolas”, mientras cu pa miho “Team Spirit” a premia e “Team Paradera”. Pa e seccion di “Best activation achievement & extra display Chengs Supermarket” a premia e “Team Noord”, mientras cu pa “Creative Worker Bees” a premia “Team Playa”, cu a mustra creatividad den un espacio chikito. Den categoria “Extra Display Execution” di Bleki na Ling & Sons a premia “Mixed Route” y pa e grupo cu a haci miho uzo di e “Push and Pull stickers”, a entrega e premio ey na “Team San Nicolas”.