Home » Parlamentario Endy Croes: A firma acuerdo oficial na Monteria Colombia

Parlamentario Endy Croes: A firma acuerdo oficial na Monteria Colombia

by Admin
0 comment 125 views

Aruba como Cede di campeonato femenino mayor di CONSURSA, 26 October pa 2 di November

Parlamentario Endy Croes a elabora diaranson mainta durante conferencia di prensa riba topico di deporte. Croes a splica como cu e ta Presidente di Vaste Commissie di deporte y cultura den Parlamento ta prudente p’e duna informacion. E dia anterior el a caba di regresa di Monteria Colombia unda actualmente tin un campeonato di softball masculino mayor di CONSURSA tumando lugar entre 11 pais. Sinembargo el a probecha pa atende un reunion di CONSURSA unda a logra firma e convenio oficial final pa Aruba bira e proximo cede pa organisa un campeonato internacional di softball fast pitch den categoria femenino mayor. Desde Februari caba Aruba a duna su palabra y awor a firma. A repasa profundamente e rekisitonan cu pais cede mester cumpli cune pa locual ta trata e tereno pa e evento, condicionnan cu WBSC (World Baseball & Softball Confederation) kendenan lo auspicia esaki y di acuerdo cu nan contracto lo mester transmit e evento via live stream den un calidad halto pa tur 5 continente rond mundo. Nan mes lo duna e asistencia maximo pa esaki. WBSC lo manda umpire in chief Santos Vasquez y hefe di scorer di WBSC pa nos continente Sr. Rafael Valle kendenan hunto cu nos localnan lo dirigi e partinan aki. Alaves lo percura pa un Comision Tecnico y un comision disciplinario di CONSURSA /WBSC hunto cu nos dirigentenan local pa ta encarga cu e area specifico aki. Aruba a ricibi e autorisacion pa cuminsa forma su comision organisador local kendenan lo bay tin un tarea bastante pisa. Pa organisa un evento asina no ta facil y pa organis’e y pa cumpli cu tur rekisitonan di CONSURSA /WBSC ta mucho mas dificil. Den simannan nos dilanti trabaonan lo inicia. Parlamentario Croes a splica cu Minister di Deporte Sr. Danqui Oduber ta para tras di e evento aki. Parlamentario Endy Croes a hiba combersacion basta amplio cu Alcalde di Monteria Sr. Marcos Daniel Pineda kende a caba di construi ful un area deportivo consistiendo di un parke di baseball y un parke di softball ultra moderno, lugar pa hende por cana y recrea, un pista pa rolschaats cu ta popular na Colombia, cancha di tennis y pues un facilidad enorme. Alcalde ta kere masha hopi den deporte y ta sigur esaki lo kita hobennan for di caya y siña nan un disciplina sano. El a splica tambe con el a duna mesora tur cooperacion necesario for di estadia, alimentacion y transporte local pa trece e competencia masculino actual Monteria y ta sigur cu Aruba lo bay tin un bunita evento. Antonio Morales abogado di profesion y presidente di CONSURSA a gradici publicamente Aruba pa acepta e reto aki pa promer biaha den historia di softball di Aruba. Parlamentario Endy Croes a splica cu lo yama un conferencia di prensa separa deportivo pa presenta esaki na comunidad. Fechanan oficial ta 26 di October pa 2 di November y 8 Pais a confirma caba entre otro Brasil, Argentina, Panama, Colombia, Venezuela, Ecuador, Peru y Aruba mas cu claro. Croes ta termina bisando cu desaroyando deporte bo ta inverti den crea un comunidad sano.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio