PALM BEACH, ARUBA –Riba diabierna 25 di mei y diasabra 26 di mei, Aruba Marriott Resort & Stellaris Casino a organisa un evento culinario hopi unico y divertido; “El Diablito takes over The Lobby”.
Durante e evento, Chef Emilio Macías a hiba esnan presente den un biahe culinario cu un menu yena cu sabornan mexicano, prepara cu ingredientenan authentico di Mexico y un toke di elementonan local. E menu di El Diablito a trece dilanti e miho sabornan di Mexico y a demostra e estilo di cushina di e chef como tambe su technicanan culinario. Esnan presente a disfruta di un variedad di platonan Mexicano manera elotitos, red snapper a la veracruzana, tacos di lobster, cangrew y angus short rib, pa menciona algun. Tambe a disfruta di un menu di craft cocktails Mexicano manera margaritas, micheladas y tequila. Pa dos anochi solamente, The Lobby situa na Aruba Marriott Resort & Stellaris Casino, a wordo converti den un evento divertido estilo pop-up cu e setup y decoracion inspira door di Mexico.
Emilio Macías ta un chef reconoci mundialmente como un ‘nomad chef’ kende ta biaha rond di mundo en busca di inspiracion culinario mientras e ta trece su mesun projecto di restaurant cu jama ‘El Diablito’ na diferente restaurantnan rond di mundo. Emilio a gradua di Culinary Institute of America in New York y a traha na diferente restaurantnan Michelin Star internacionalmente manera Mugaritz in Renteria, El Racò de Can Fabes in Sant Celoni, Jean Luc Figueras na Barcelona, Atrio in Caceres na Spanje, La Peca, Lonigo na Italia, Le Manoir aux Quat’Saisons in Oxford na Inglatera y RyuGin na Tokyo Japan.
Un tiki mas di Aruba Marriott Resort & Stellaris Casino:
Aruba Marriott Resort & Stellaris Casino ta situa na Palm Beach y ta consisti di 414 camber cu balcon priva cu bista pa e pool relajante y tambe pa e awa nan blauw di lama. Huespednan cu ta desea exclusividad por has reservacion na e Tradewinds Club, un boutique hotel situa riba e di ocho piso di Aruba Marriott Resort. Ademas e hotel ta ofrece un ‘adults only’ pool cu ta brinda privacidad superior y tambe un variedad di restaurantnan cu ta garantisa un experencia unico. Pa esnan cu kier disfurta y relaha, por hasi uso di e casino mas espacioso na Aruba y e ‘award-winning’ spa. Pa mas informacion por tuma contacto cu Aruba Marriott Resort & Stellaris Casino na 586-9000 of bishita www.arubamarriott.com of www.tradewindsclubaruba.com. Tambe por bishita Aruba Marriott su Facebook y Twitter page www.facebook.com/ArubaMarriott y @ArubaMarriott.