Home » MUNDIALMENTE TA PREOCUPA CU SUBIDA DI PRIJS DI CRUDO

MUNDIALMENTE TA PREOCUPA CU SUBIDA DI PRIJS DI CRUDO

by Admin
0 comment 101 views

 

Esaki tin un efecto negativo riba prijs di gasolin

 

Ultimo desaroyonan internacional di prijs di crudo ta indica un subida constante. Esaki ta un desaroyo hopi preocupante pa tur pais di mundo. Paisnan den nos region tambe ta preocupa cu esaki pasobra logico ta cu si prijs di crudo subi, esaki lo por tin efecto riba prijs di gasolin tambe debi na e desaroyo mundial aki y con e prijs ta wordo calcula.

 

E fuente ‘online’ Oilprice.com a publica recientemente un resumen hopi amplio di e desaroyo di loke tin di haber cu prijs di crudo y ta considera esaki como e “cambio di mas grandi hamas bisto” den mercado petrolero cu lo por conduci na subida di prijsnan hopi halto den e proximo lunanan.

 

Tin varios factor cu ta influencia e prijs di crudo. Locual ta pasando riba mercado mundial ta hunga un rol den subida di prijs. Tambe e escases di petroleo di Venezuela ta haci cu esaki ya no ta mesun acesibel mas. Den un situacion asina ora cu prijs subi riba mercado internacional, esaki tin su consecuencia pa e prijs di benta na Aruba.

E metodo di calculacion di prijs di gasolin na Aruba a keda mescos pa hopi aña. E calculacion ta basa riba e prijs di crudo di e luna anterior. Pa fiha prijs di e productonan manera Gasolin, Kerosin y Diesel na Aruba, Departamento Economico di Gobierno ta traha cu e sistema di Platts pa fiha un prijs por medio di benta di e productonan aki den region. Depende di e prijsnan uza den region, na Aruba e prijs lo subi of lo baha.

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio