Home » Minister Xiomara Ruiz-Maduro: NA NIVEL DI REINO TA CREA OPORTUNIDAD PA EMPRESARIONAN LOCAL EXPORTA NAN PRODUCTO Y SERVICIO PAFOR DI REINO HULANDES

Minister Xiomara Ruiz-Maduro: NA NIVEL DI REINO TA CREA OPORTUNIDAD PA EMPRESARIONAN LOCAL EXPORTA NAN PRODUCTO Y SERVICIO PAFOR DI REINO HULANDES

by Admin
0 comment 68 views

Exprodesk y RvO ta duna instrumentonan comercial, conocemento y contactonan necesario

ORANJESTAD – Den un declaracion pa prensa Minister di Finansa, Asuntonan Economico y Cultura mr. Xiomara Ruiz-Maduro a trece dilanti cu a reuni cu Rijksdienst voor Ondernemend Nederland, RvO kende a bin Aruba pa introduci na e comunidad empresarial kico ta e hermentnan cu nan tin pa yuda nos pais den e parti pa por exporta productonan local pafo di Reino Hulandes. Aki na Aruba Exprodesk ta e parti di Directie Economische Zaken Handel en Industrie (DEZHI) cu ta yuda e companianan local pa nan por habri hala pa bay internacional.

Rijksdienst voor Ondernemend Nederland,  RvO ta ofrece instrumentonan comercial, guia, contactonan necesario, conocimento y oportunidad pa por forma parti di misionnan comercial. Tur informacion cu tin mester pa empresarionan di Aruba cu kier bay pa exporta su producto y/o servicionan pafo di Reino Hulandes y pa por ta exitoso den esaki.

Minister di Finansa, Asuntonan Economico y Cultura, sra. Xiomara Ruiz-Maduro a habri e sesion informativo cu palabranan di gratitud na Ministerio di Relacionnan Exterior di Reino y Rijksdienst voor Ondernemend Nederland pa intensifica e cooperacion den Reino di e manera aki cu ta apoya nos desaroyo economico. E Minister ta spera cu hopi compania local specialmente esnan chikito y mediano por haci bon uzo di e oportunidad aki pa explora y concretisa nan plannan di exportacion.

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio