Home » Minister Xiomara Ruiz-Maduro: GOBIERNO A REUNI CU ABOGADO DAVID KOCK RIBA E ASUNTO DI COBRANSA DI ROYALTIES!

Minister Xiomara Ruiz-Maduro: GOBIERNO A REUNI CU ABOGADO DAVID KOCK RIBA E ASUNTO DI COBRANSA DI ROYALTIES!

by Admin
0 comment 114 views

ORANJESTAD – E siman tras di lomba, manera anticipa den conferencia di prensa dialuna, nos a tene un reunion hunto cu colega Minister Bikker cu sr David Kock rib’e situacion cu a surgi tocante cobransa di royalties pa radionan na Aruba pa e uzo di cantica local y internacional di cual tin derecho reserva.

Den e reunion sr Kock a duna un presentacion y e Ministernan presente a haci diferente pregunta. Entre otro a pidi splicacion di e cobransa di 3 mil florin mensual, a pidi aclareacion di e base legal pa por eherce e cobransa aki.

Minister Ruiz-Maduro ta splica cu di banda di Gobierno nos a splica Gobierno su rol actual ora ta trata propiedad intelectual y kico Gobierno su rol lo ta ora e cambio di ley cual ta trahando riba dje keda implementa. A indica na sr Kock cu e manera cu a aserca e radionan no ta e manera mas adecua pa busca un cooperacion fructifero y a urgi sr Kock pa sinta cu e radionan y pospone e fecha di 1 di juni premira pa eherce e derechonan intelectual cu nan ta representa.

Mester bisa cu na final di siman e noticia a drenta cu e radionan a forma un asosacion y nan a sera un acuerdo cu Buma Stemra di Hulanda pa locual ta cumplimento di pago di royalties na Aruba.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio