57
G.M de Bruynewijk – Diabierna anochi pa mas o menos 7:25 polisnan a wordo manda cu urgencia pa Bruynewijk, caminda un accidente serio a tuma luga.
Na yegada di polis di trafico e ta constata cu e accidente ta uno basta serio, mirando situacion di un chauffeur.
Segun nos a compronde, e chauffeur mas grave tawata sangra profusamente for di ariba su cabes.
Loke a sosode
E Toyota Corolla lo a dal contra un stupi y kita bay dal contra un palo di luz, pa despues sigui bay dal contra un otro auto.
Un rato lo mester a warda ariba ambulance, cu tawata pabou di brug.
Pero, un otro unidad lo a yega y tambe a constata seriedad di e victima.
Mes ora a cuminsa haci preparacionnan pa hiba e victima cu urgencia pa hospitaal.
Den un situacion critico e victima a wordo transporta pa hospitaal.
Segun informacion na e sitio, e mes un auto aki un rato prome tawata core hopi malo, segun testigonan.
BFTO (departamento tecnico di polis) a ser solicita na e sitio, pa asina haci investigacion.
Slachtofferhulp tambe a wordo manda Hospitaal, pa atende cu famia di e victima.