82
A explora riba e tema di integridad
ORANJESTAD— Diahuebs atardi a reuni cu Prome Minister Evelyn Wever-Croes e representantenan di Stichting Deugdelijkheid van Bestuur (SDBA). Integridad ta un pilar importante pa Gabinete Wever-Croes y den e trayecto ta consulta partnernan importante manera SDBA.
Prome Minister a duna un splicacion amplio di e trabounan andando pa cu e Bureau Integriteit y Integriteitskamer. Representantenan di SDBA, señor Hessels, señor Maduro y señor Frank a intercambia di opinion cu Prome Minister riba e tema di integridad y a explora e posibilidad di traha hunto pa garantisa mas integridad y bon gobernacion na Aruba.