ORANJESTAD—Prome Minister Evelyn Wever-Croes ta reuniendo cu representantenan di tur gremio. Diahuebs merdia a toca turno e reunion cu representantenan di SEPPA.
Durante e reunion a toca varios tema entre otro e temanan di importancia pa e miembronan di SEPPA, esta trahadornan. Puntonan cu a wordo treci dilanti ta e siguridad di trabou, e salarionan, e problemanan den e diferente fundacionnan y subsidio. Representantenan di SEPPA a trece dilanti tambe e preocupacionnan pa cu e introduccion di crisisheffing. Gobierno ta comparti e preocupacionnan aki y ta determina pa traha deligentemente pa elimina e crisisheffing na momento di e reforma fiscal.
Un reunion cu segun e mandatario a bay den hopi bon ambiente cu lo ripiti pa sigui atende cu e temanan di importancia di e trahadornan cu ta miembro di sindicato SEPPA.