Home » Parlamentario Endy Croes na Benny Sevinger y Arthur Dowers: Mira nan cara: Benny tabata manera un “Flie Sin Rabo” y hunto cu Dowers nan no ta forma un!

Parlamentario Endy Croes na Benny Sevinger y Arthur Dowers: Mira nan cara: Benny tabata manera un “Flie Sin Rabo” y hunto cu Dowers nan no ta forma un!

by Admin
0 comment 77 views

 

Diamars ultimo Parlamento di Aruba a trata e crisis heffing di 2.5 %. Manera a wordo splica  durante e reunion cu lo introduci un aumento di 1% BAZV y 1.5 % BAVP, esta pa paga e proyectonan di PPP. Tambe a duna splicacion hopi cla na compensacion cu ta wordo introduci primordialmente pa esnan mas vulnerabel den nos comunidad pa asina mitiga cualkier problema cu esaki por causa na poder di compra di e grupo aki. Pues mesun momento a rebaha e prima di AZV pa pensionadonan cu 4%, esta di 10.5% pa 6.5%. Alaves a aumenta e reparatietoeslag cu Afl. 25 florin pa tur esnan cu ta gana bou 2500 florin pa luna. Tambe a elimina sucessiebelasting y a elimina e verkoop verordening. Pa tur esnan cu tin un negoshi chikito cu ta bende bou 12 mil florin pa aña lo ta liber di BBO-BAZV y BAVP. Lo rebaha Loonbelasting y Inkomstenbelasting pa tur esnan cu un salario entre 2500 pa 3100 florin cu 2% entrante 1 di Januari 2019. Lo aumenta e canasta basico y lo bin cu control severo. Esaki nan hunto lo trece sigur un alivio pa nos pasa door di e proceso.

 

Benny tirado di para

Benny Sevinger sinembargo a papia te papia coy kens durante reunion. Claramente bo ta mira cu Benny ta un tirado di para. A sinta gaña cu a aumenta e gasto di gobierno cu 100 miyon, un rato despues el a papia di un aumento di 125 miyon y na final den tweede ronde Benny a bisa cu esaki ta 130 miyon. Ta kico bo kier a splica anto Benny? Esakinan ta prueba cu Benny ta cana kibra reunion sin prepara. Minister Xiomara Ruiz Maduro a splica na placa chikito cu locual Benny y AVP ta papia ta pa bruha tera y manipula atrobe pero ningun pero ningun caminda por detecta esaki den e presupuesto. Minister Xiomara Ruiz Maduro a splica cu berdad gobierno a scoge pa inversionnan manera 17 Miyon den Crisis Plan Social, esta un departamento cu den 8 aña AVP no a inverti ni un solo florin y alaves a aloca pa Husticia 5 miyon extra cual ta yega na un suma di 22 MIYON y no 100 MIYON ni 125 MIYON ni tampoco 130 MIYON manera Benny a grita ultimamente durante reunion publico den Parlamento. Benny tabata manera un “flie sin rabo” durante dicho reunion. Pues boso haci boso huiswerk y blijf bij de les y bin cu argumentonan concreto cu boso por substancia pa por hiba un debate sano.

 

Knock out pa AVP

Durante e reunion publico aki solamente 4 Parlamentario di AVP a hiba palabra y 5 a scoge pa no papia ni bisa nada y a keda scondi. Figurabo pueblo, e homber cu ta wordo propaganda como e experto financiero di AVP, esta Richard Arends tambe a opta pa keda keto y no papia, mientras 11 parlamentario di Coalicion si a hiba debate y a “knock out” oposicion den promer round. Oposicion a purba lanta bek pero un solo uppercut a manda nan lona pa e resto di reunion. Claro nan no tabata tin forma pa defende e desaster financiero cu nan a laga atras y cada rato cu Coalicion trece documentonan cu ta prueba e desaster y ta  incrimina oposicion totalmente, silencio tabata reina den sala y nan a bandona sala bay sinta den nan fractie kamer. Ta comprendibel ora bo perde poder y ora pueblo mandabo oposicion ta dificil bo sinta mira y scucha tur e maldadnan cu bo a haci cu e pais aki. Adhunto un potret pa pueblo mira nan cara e rato cu nan ta den sala unda nan mester a sinta y scucha nan berdad. Nos lo percura pa keda informa pueblo den tur transparencia. AVP no por bin bek na poder nunca mas!

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio