Home » Minister Xiomara Ruiz-Maduro: GOBIERNO DI AVP A HAYA MAS DI 700 MIYON DEN CAHA CU NAN A MALGASTA Y NO ATENDE CU E CRISIS SOCIAL DI NOS PAIS!

Minister Xiomara Ruiz-Maduro: GOBIERNO DI AVP A HAYA MAS DI 700 MIYON DEN CAHA CU NAN A MALGASTA Y NO ATENDE CU E CRISIS SOCIAL DI NOS PAIS!

by Admin
0 comment 76 views

E crisisheffing ta bini pa asina e gobierno aki cumpli cu su plan pa atende e crisis social.

ORANJESTAD – E gobierno di MEP tabata tin credibilidad financiero di e pais aki. No por lubida cu na 2009 ora e gobierno di AVP a yega nan haya den caha 280 miyon florin di BBO di refineria Valero, 250 miyon florin di Plant NV, algun di e sumanan tabata tin poni earmarket, pa cierto proyecto y otronan e gobierno di AVP a cambie pa proyecto Bo Bario. E rapport di ARA ta bisa bon cla cuanto miyones di pueblo a bay den e proyecto aki y hopi cos mas. Parlamento di Aruba mester bay trata e rapport di Algemene Rekenkamer riba e Proyecto di Bo Bario den un reunion publico y asina pueblo por mira kico a wordo haci bao di capa di Bo Bario y con fondonan publico a wordo malgasta. Pueblo no mag di lubida e tipo di cosnan aki, paso e ta costa nos pais Aruba y ta pesey awe nos tin mester di crisisheffing. Den Fondo Desaroyo Aruba tambe a laga 190 miyon atras. E gobierno di AVP tabata tin mas di 700 miyon florin na nan disposicion cu gobierno di MEP a laga atras y claro AVP haci y deshaci y awe nan kier papia cu nan a haya desastre na 2009.

Ademas AVP ta trece dilanti cu institutonan no ta wordo respeta, pero ora institutonan a trece cifrannan dilanti, e gobierno di AVP a paga hende pa manipula cu cifra. Na su bureau e minister di Finanza a bin haya 4 profesionalnan grandi, scapa y studia, cu nan trabao tabata manipula cifra. Ainda mester firma un papel pa paga un hende 36 mil euro,  pa e hende aki cambia cifra pa waak con ta cumpli cu CFT. Ta pa e tipo di cosnan aki awe nos tin crisisheffing tabata palabranan di Minister di Finanzas, Asuntonan Economico y Cultura mr. Xiomara Ruiz-Maduro.

AVP ta trece dilanti cu e ley aki lo duna inicio na deterioro social, siendo cu pa 8 aña largo e gobierno di AVP e unico cos cu a atende ta cu friends, family, lovers  and extended family, ta nan ta esnan cu a probecha di dje y e gobierno anterior no a worry pa bini cu un plan social economico y no a tuma decision. Awe kier papia di deterioro social, e politiconan di AVP no por ta biba na Aruba. Ta e Gobierno aki pa medio di minister di Asuntonan Social ta bezig cu un plan social, pa por atende cu esaki, e crisis no ta cuminsa na 1 di juli proximo, pero nos ta den dje. E gobierno actual si tin un plan social y tin fondo presupuesta 2018 pa atende cu e plan social economico segun minister Ruiz-Maduro.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio