Home » Minister Dangui Oduber a yama bon bini na Royal Caribbean Freedom of the Seas

Minister Dangui Oduber a yama bon bini na Royal Caribbean Freedom of the Seas

by Admin
0 comment 94 views

 Awe mainta Minister di Turismo Dangui Oduber a yama bon bini oficialmente na e barco crucero Freedom of the Seas di e linea crucero Royal Caribbean International durante e ceremonia oficial di e call inaugural. Durante e ceremonia aki minister Dangui Oduber a gradici y felicita Freedom of the Seas, Aruba Tourism Authority, Aruba Ports Authority y Maduro & Sons pa nan esfuerso nan pa haci e relacionnan aki realidad y asina cumpli cu e vision di minister di trece turistanan di calidad pa Aruba. Despues a sigui pa intercambio di regalonan caminda minister Dangui Oduber a haci entrega di un bunita cuadro na e capitan pa asina yama bon bini oficialmente na Freedom of the Seas cu lo bay bishita Aruba regularmente.

 

E logro aki ta uno historico pa Aruba ya cu esaki ta e prome biaha cu un barco crucero di e tamaño aki ta drenta nos waf na Oranjestad. Prome cu yegada di e barco crucero, Aruba Ports Authority a percura pa por a acomoda e barco sin problema door di habri e canal nan y asina garantisa un profundidad di 12 meter. Freedom of the Seas tin un largura di mas di 300 meter y un capacidad total di aproximadamente 4600 pasahero y ta cay den e categoria “Freedom class”.

 

Minister Dangui Oduber ta sumamente contento cu e logro aki y ta considera esaki como algo hopi importante pa Aruba ya cu esaki ta e prome paso pa pronto trece barco nan mas grandi ainda pa Aruba.

 




 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio