Home » Segun partido MEP: DESDE GOBIERNO DI MEP POR RED TA DI DOS BIAHA CU DOCUMENTO DI CAFT TA “LEK”

Segun partido MEP: DESDE GOBIERNO DI MEP POR RED TA DI DOS BIAHA CU DOCUMENTO DI CAFT TA “LEK”

by Admin
0 comment 66 views

 

Algo masha remarcable y alaves cu ta causa desgusto ta mira cu ya ta di dos biaha cu desde Gobierno a cambia, cu consehonan di Caft ta lek prome cu tempo.

 

Segun ley, un conseho di Caft tin di keda 3 siman confidencial pa Gobierno por reacciona riba dje. Pero den ultimo 6 lunanan, desde cu Gbierno a cambia, ya ta di dos biaha cu e documento aki ta lek den prensa. E prome biaha ela lek den prensa na Aruba y di dos biaha a traves di periodista amigo di Mike Eman na Hulanda.

 

Esaki ta tipico weganan di Hulanda pa pone presion riba Gobierno di Aruba. Motibo mas pa core cu Caft mas pronto cu ta posibel. Pasobra Caft ta purbando di secuestra Gobierno cu e “lekmento” di informacion.

 

Aruba mester bin pronto cu su propio Begrotingskamer, p’asina nos no ta depende mas di Caft. Coalicion MEP POR RED tin esaki den su plan di gobernacion y den presupuesto 2018 ya e gastonan ta inclui.

Partido MEP ta di opinion cu ta tempo pa Aruba carga su mesun responsabilidad. Caft a faya! Caft a permiti nan mes wordo manipula pa Gobierno di AVP! Pueblo di Aruba no tin confiansa mas den Caft! Caft mester bay!

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio