Home » Parlamentario Endy Croes na e pianista di AVP Michael Lampe: “Bo declaracion alrespecto amnistia ta wordo categorisa mescos cu un burico di dos piso”

Parlamentario Endy Croes na e pianista di AVP Michael Lampe: “Bo declaracion alrespecto amnistia ta wordo categorisa mescos cu un burico di dos piso”

by Admin
0 comment 80 views

Manera semper nos a bin ta bisa di no lo laga ningun fastball pasa. AVP y su secuasenan no por biba kere despues di a destrui pais Aruba financieramente y socialmente, horta e pais aki pa 8 aña largo, comete corupcion di marca mayor cu tereno (Benny y Leoncita) y negoshinan miyonario cu permiso y ontheffing (Paul Croes), awor den apenas 6 luna AVP tin tur solucion. E pianista di AVP Michael Lampe, kende ta un artista di piano via computer, diahuebs ultimo a core bay para den rij na DIMAS momento cu nan partido AVP a orchestra un alarma falso pa cu amnistia.

Politico di panlefi
E anochi promer tras di Welcome Snack e parlamentario aki hunto cu un grupo di strategistanan di AVP a organisa e debacle aki. Ayuda pa esnan cu a abusa di placa di pueblo manera entre otro Oscar Fernandez, un bon amigo di Mike Eman, kende ya no ta cobra mas su Afl.15 mil pa luna, a core un whatsapp pa e grupo stanhero alrespecto e tema aki. E pianista Michael Lampe a declara den su articulo di 19 di mei ultimo textualmente lo siguiente: “Tin un video claramente di actual Minister Glenbert Croes primintiendo amnistia na e stranheronan asina cu MEP drenta gobernacion. Esaki a crea e chaos y a pone e stranheronan sali busca locual nan a wordo priminti”. Un biaha nos a yama Michael Lampe pa un politico di PANLEFI pero hustamente tipo di declaracionnan asina ta mustra con estupido e por ta di laga AVP skirbi cierto articulonan asina pe. Mientras Michael Lampe kier purba score mi lo splik’e pa dun’e un les riba e asunto aki.

Hunga cu dolor di hende
Na promer lugar mi ta condena absolutamente e actitud di AVP y Michael Lampe pa hunga cu sentimiento y dolor di un ser humano. No ta intencion pa hunga cu sentimentonan di esnan en busca di un mihor porvenir pero pa aclaria e wega sushi di AVP. E video cu AVP ta usa contra Glenbert ta un video graba den campaña, esta alrededor di un aña pasa. Con por ta posibel cu desde 22 di september cu AVP a perde eleccion ningun hende a bay para den rij na DIMAS cu e peticion aki? Con por ta posibel cu  desde 17 di November 2017 esta e dia cu e Coalicion nobo a huramenta oficialmente ningun hende a forma un rij na DIMAS solicitando pa amnistia? Con por ta posibel cu sopresivamente diahuebs 17 di Mei alrededor di 180 dia despues cu Gobierno a sinta diripiente di un anochi pa mainta un grupo ta lanta tempran bay para na DIMAS solicitando pa amnistia, segun Michael Lampe debi na un video di e aña anterior? Con por ta posibel cu esaki a tuma lugar sin cu ningun caminda tin un publicacion of anuncio oficial cu un logo di gobierno, sea den prensa skirbi, facebook, radio, television? Pues ningun pero ningun caminda gobierno a publica esaki. Dicon net Michael Lampe cu reporteronan cu tabata cobra MIYONES riba payroll di gobierno di AVP tabata presente?

Kico ta amnistia?
Ora analisa entrevista di reporteronan di AVP cu e stranheronan para den rij durante e mainta di 17 di Mei ultimo, por a scucha otronan cu tin 9 luna na Aruba, 2 aña na Aruba, 3 aña na Aruba, hustamente ta esnan cu ta solicita. Michael Lampe ta compronde kico ta amnistia? Esaki ta un practica di nacionnan pa acepta riba nan suela inmigrantenan kendenan a bandona nan pais obligatoriamente pa motibonan di entre otro causanan racial, religioso, guera, guera civil, catastrofe di naturalesa etc etc. Aruba cu un tera di apenas 192 km2 y 110 mil habitante no por carga problema di henter mundo ni di paisnan cu populacion manera 30 pa 40 miyon hende. Hulanda tin un responsabilidad grandi den esaki.

Atencion pa Crisis Social
Glenbert a declara recientemente cu Aruba a confronta su mes cu retonan hopi mas grandi cu por a anticipa na e forma di bancarota cu a hereda e pais aki. Glenbert a splica alaves cu Aruba ta atendiendo cu un “Crisis Social” pa su propio pueblo y esey ta na promer lugar. Pues tanto Michael Lampe y AVP boso “STOP” cu weganan riba sentimento di sernan humano.

Terminando mi a tuma nota cu recientemente AVP a organisa mediante su Fundacion Digna Lacle-Herrera un curso pa Formacion Politico, “Basis Cursus Politieke Vorming”. Nos a compronde cu e “Hoogleraar” kende a duna les na Michael Lampe durante e curso di formacion politico aki ta Melvin “Donkey” Tromp. Pues awor Michael Lampe por ta contento cu un titulo for di su maestro, esta un titulo di “un burico di dos piso”.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio