Home » Parlamentario Endy Croes di MEP: Arthur Dowers aparentemente ta traha cu Atraco Team

Parlamentario Endy Croes di MEP: Arthur Dowers aparentemente ta traha cu Atraco Team

by Admin
0 comment 85 views

Segun Paramentario Endy Croes, e por a tuma nota den prensa cu dialuna anochi a bati alarma pa un atraco na Noord. Esaki lo a tuma lugar na un cas di famia. Locual a hala atencion cu den algun potret por a tuma nota di presencia di Arthur Dowers den e cas di victima momento cu Atraco Team ta den pleno investigacion. Mesora preguntanan ta bin ariba ta kico Dowers ta haci den dicho cas? E no ta minister mas. Dowers sa masha bon cu e lo por stroba un investigacion. Ta lanta sospecho tambe cu Dowers ainda lo tin radio di polis? Dowers lo ta aspira pa bay traha cu Atraco Team? Of Dowers ta trahando side job cu Atraco Team? Lo ta bon pa e ex minister y actualmente Parlamentario bini dilanti y splica e asunto aki.

Alaves lo pidi Minister Andin Bikker pa haci un investigacion alrespecto e caso aki. No por ta asina cu Dowers ta cana kibra unda cu tabata tin un incidente y/of atraco y ta pretende cu e ta para riba ley y ta stroba trabao di Polis. Dowers mester por compronde cu e ta sinta den banki di oposicion. Dowers kisas ora e ta bou di cualkier influencia ainda e ta kere of imagina cu e ta Minister?  Kisas esaki ta e motibo cu Dowers nunca ta den Parlamento na pia di trabao? Dowers ta cobra placa como Parlamentario pero ta ora tin reunion so e ta show up. Durante dia kisas enrealidad e lo ta trahando cu Atraco Team?

Nos a ripara cu tanto Dowers pero tambe su coleganan ex ministernan Benny y De Meza nunca pero nunca ta na trabao. Papia nan malo y papia nan bon, nos mester ta sincero si den e caso aki cu esnan cu mas ta gusta gaña pueblo na un manera sin gevoel y sin berguensa, esta Marlon Sneek,  Richard Arends y Mervin Wyatt Ras, ta esnan cu mas sa ta na pia di  trabao. Dowers mester cuminsa atende trabao y traha pa e placa cu e ta cobra.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio