73
Hooiberg – Diasabra anochi laat algo prome 12’or, un accidente serio a sosode dilanti Well Well bar restaurant.
Na yegada di patruya nan ta constata dos auto, un Toyota Starlet completamente destrui dilanti y den dje un dama herida na cara.
Un poco mas panort, un Toyota Yaris cu tambe ta envolvi pero menos sla.
Loke a pasa
Na e sitio nos a compronde cu e Yaris lo a subi caminda for di pazuid, mientras e Starlet tawata bin di pariba.
Segun e chauffeur di e Starlet e lo a pita e auto varios biaha, pero asina mes e Yaris a keda subi caminda.
Den e impacto e chauffeur di e Starlet a sali for di e windshield, pero a haya solamente un corta tras di su cabes y corta na man.
Tres ambulance a presenta na e sitio pa controla esnan herida. E dama den e Starlet a ser transporta pa Hospitaal y tawata esun mas serio.