Home » 21st & 22nd September 2018 – CARIBBEAN SEA JAZZ FESTIVAL 2018

21st & 22nd September 2018 – CARIBBEAN SEA JAZZ FESTIVAL 2018

by Admin
0 comment 84 views

 

 

Ayera tardi, durante rueda di prensa cu a tuma lugar na Casibari Music Café & Grill, a duna inicio na Caribbean Sea Jazz Festival Aruba 2018. Cu un presencia basta grandi di prensa, e organisador Erik Eman, a welcome tur presente y asina aki a anuncia e branding partners nan como tambe e artista nan cu lo ta bishitando Aruba durante e evento

Reserva e fecha….

Caribbean Sea Jazz Festival Aruba 2018 (CSJFA2018) e aña aki lo tuma lugar riba diabiera 21 y diasabra 22 september 2018. Benta di Early Birds ya ta obtenibel unicamente via website www.caribbeanseajazz.com. Esaki nan lo ta obtenibel te cu 30 juni y despues lo pasa na bente general. Prijs pa early bird ta $50 pa dia y pa e weekend pass esaki ta $90. Despues di e fecha menciona esakinan lo bira $65 pa dia y pa e weekend pass $120. Pa loke ta entrada VIP esaki ta cuminsa na $175 te cu $3000. Nos ta pidi tur hende pa bishita e website pa mas informacion pa nan entrada VIP of nan por jama 588-0211

Kiko nos por spera e aña aki….

Cu su di 12 edicion, e festival mas spera lo tuma lugar na Renaissance Festival Plaza, cu ta wordo comberti no unicamente den un tereno pa un festival sino tambe lo ofrese un variedad grandi di sitio nan pa disfruta di un dushi plato presenta pa nos restaurant nan local y tambe artesania y arte local

Line Up….

E prome artista pa nos anuncia pa diabierna ta e cantante di Vallenato, asina gusta y stima na Aruba, Jorge Celedon. Directamente di Cuba, un banda completamente di ser nan fememino, Anacaona, kende ya den pasado a bishita Aruba y a forma parti di CSJFA. Althea Rene, kende lo ta encarga e anochi aki pa e parti di Jazz. Pa loke ta nos banda nan local, diabierna nos lo tin Havana Vieja All Stars.

Diasabra nos por orguyosamente anuncia cu nos tin Kathy Sledge, di e famoso banda Sister Sledge. Tambe nos tin Di Mongo cu ta consisti di un trio forma pa Directie, Montis y Goudsmit. Tambe nos tin Di-Rect un banda famoso di Rock di Hulanda. Y Diabierna, pa tur nos Jazz lovers nan, Yellow Jackets y tambe Eric Darius cu su banda, kende lo entretene nos cu nan seleccion musical di Jazz, R&B, Hip-Hop and Pop

Branding Partners….

Nada di tur nos a menciona ta posibel sin nos patrocinadornan cu aña den aña afor ta kere den e festival aki. Y ta pesei semper nos ta aprecia y duna un danki hopi special na Aruba Tourism Authority (ATA), Tropical Bottling (Chill), Aruba Airport Authority (AAA), Renaissance Hotel, Divi Resorts y tambe Unoca.

Pa mas informacion riba nos festival Caribbean Sea Jazz Festival Aruba 2018 como tambe pa compra di bo ticket, boso por bishita nos website na www.caribbeanseajazz.com

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio