Caya Frere Alexius – Diabierna atardi algo pasa di 4’or polis a bay Caya Frere Alexius, pa un problema di famia cu a bay for di man.
Na yegada di polis, nan a topa cu un homber cu un corta hundo den su man.
Na e sitio nos por a mira polis den e cura, y un otro homber geboei sinta.
Pafo di cura, ariba e otro banda di e caya, e homber cu e man corta.
Segun e homber ta varios biaha ela haya problema cu e homber geboei.
A resulta cu e homber herida, ta padrastro di e hoben geboei.
Loke nos a compronde ta cu, e homber herida lo a menasa mama di e hoben aki. Y aparentemente no ta prome biaha.
Asina e discusion a start y e yiu pa defende su mama y cu rabia, lo a corta e padrastro cu e baki hero cu e cacho ta come aden. Un otro patruya a yega y a hiba e hoben deteni pa warda.
Ambulance a ser pidi, y na yegada nan a hiba e padrastro Hospitaal pa trata e corta serio.
Despues di tratamento na Eerste Hulp, e padrastro tambe a keda deteni, door cu ela saca of a usa un cuchiu pa defende su mes of pa ataca e yiu di criansa.