Homber seriamente corta den su man, despues cu 2 homber a haya problema cu otro

Caya Frere Alexius, Oranjestad: Diabierna algo prome cu 4’or y mey patruya di playa ta wordo manda na un cas den Caya Frere Alexius pa un problema cu a bay for di man.

Na yegada nan ta topa cu un homber cu un corta basta profundo den su man.

Mesora a pidi pa un ambulance y pa transportwagen di polis. E agresor a keda mesora deteni y transporta pa warda di polis, mientras e víctima a wordo transporta cu ambulance pa hospital.

Polis ta na e cas y ta haciendo mas investigacion, segun un testigo e agresor a usa un cuchiu pa corta su victima y segun e victima ela usa algo di un wok di coriente pa corte.