73
ORANJESTAD – Diaranson atardi Minister encarga cu Finanzas, Asuntonan Economico y Cultura a ricibi na su despacho e miembronan di directiva di Camara di Comercio. Despues di a introduci nan mes na Minister Ruiz-Maduro, a inicia e reunion cu e mandatario caminda a elabora riba varios tema cu ta concerni nos economia y finanzas publico.
A toca e temanan di reforma fiscal y e trabounan cu Gobierno ta haci pa locual ta diversificacion di nos economia riba e area di innovacion y e top sectornan cu lo por wordo amplia y intensiva.
E mandatario ta gradici Camara di Comercio pa e encuentro ameno y ta spera di por conta cu nan apoyo y bon cooperacion pa hunto por logra florece e economia di nos pais.