ORANJESTAD, Aruba: Riba dia di “World Telecommunication and Information Society Day” (WTISD) bou e tema di “Permiti e uzo positivo di Inteligencia Artificial (AI) pa tur”, Digicel ta confirma di ta comprometi na uza tecnologia futuristico na beneficio di tur. E compania di comunicacion total y proveedor di entretenimento ta consciente di con futuro lo ta na momento cu “Al” guia e desaroyo di smart homes, smart cities y digitally-driven societies.
AI ta un area di computer cu ta permiti mashinnan pa realisa trabounan normal cu ta rekeri inteligencia humano – manera reconocemento di cara y bos, tuma decision y traduccion entre idiomanan. Algun ehempel ta un computer cu a gana un premio mundial di schaak y uno cu ta compronde comando di bos riba smartphone. Y cu e descubrimento nobo di tur dia, e posibilidadnan no tin limite.
“E forma con AI ta cambia ta lihe y nos ta keda positivo di e beneficio tremendo pa Aruba”, asina Wanda Broeksema, CEO di Digicel Aruba a comenta. El a sigui bisa cu “E combinacion di hende y mashinnan trahando hunto ta mustra caba e cambio positivo den e forma con nos ta interactua cu clientenan y cumpli cu nan expectativanan. E miho ainda tin cu bin”.
Den anticipacion, constantemente Digicel ta inverti den un futuro cla di tin un red di data cu e capacidad di introduci den innovacion nobo y transformacion digitalisa.
Digicel Aruba ta enfoca na acepta Inteligencia Artificial como e futuro. Digicel ta percurando p’e red semper ta cla pa desaroyonan digital. Awo nos mes mester uza e tecnologia positivo.
Inteligencia Artificial ta yudando Digicel pa pone su clientenan mas den control door di mehora e opcionnan di siguridad digital, haciendo e menu mas respondibel pa comando di bos, specialmente e reto visual pa nabega y actualisa e “My Digicel app” pa provee opcionnan facil pa personanan cu problemanan di oido.
“Nos ta trahando duro pa ningun hende keda atras y trahando pa crea un inclusivo mas, un area inspira den forma digital pa beneficio di tur hende”, Wanda Broeksema a conclui. Anualmente e Union Internacional di Telecomunicacion (ITU) ta celebra WTISD riba dia 17 di Mei. Como miembro di e cuerpo global di telecomunicacion, Digicel a join mas di 700 organisacion rond mundo den e conmemoracion aki.
Digicel ta un compania di comunicacion y ta proveedor di entretenimento operando den 31 mercado den Caribe, Central America y Pacifico di Asia. Tambe Digicel ta anfitrion di un base di varios iniciativa rond di su mercadonan, incluyendo Fundacion Digicel na Haiti, Jamaica, Papua New Guinea y Trinidad & Tobago cu ta enfoca riba programanan social, di educacion, di cultura y di desaroyo. Bishita www.digicelgroup.com pa mas informacion.