Oranjestad, Aruba: Diaranson 9 mei 2018 a tuma lugar un ceremonia special pa agente policialnan y tambe den e parti administrativo cu a cumpli 25,30 y 35 aña den servicio di Cuerpo Policial Aruba.
Tanto aña den un organisacion policial ta rekeri hopi responsabilidad, disciplina y respet. Un logro grandi asina , ta conta cu agente policial cu basta aña di experencia tanto den nan trabou diario pero tambe pa sirbi nos comunidad.
Minister di Husticia Sr. Andin Bikker a haci entrega di nan decreto gubernamental den presencia di Korpschef Sr. Hoo,famia, coleganan y sernan keri.
Hubileo 25 aña :
Sra.Diana E. Bikker – Medewerker Algemene Ondersteuning Adj.Commies – Unit Verkeersplanologie en Onderzoek.
Hubileo 30 aña:
Sra. Sandra C. Kock – Onderinspecteur – Sectie Coördinator Bijzondere Verordeningen –
District 4.
Hubileo 35 aña:
Sr. Jaime O. Richardson – Onderinspecteur I Coördinator District 3.
Sr. Walter M. Werleman – Onderinspecteur I Coördinator Ploegen District – 4.
Cu passion y dedicacion nan a sirbi nos comunidad y awe nan ta celebra 25, 30 y 35 aña trahando den nos organisacion policial. Un pabien na nos coleganan y cu Dios guia boso cu mas aña den KPA.