George Madurostraat – Diaranson anochi pa mas o menos 10:45, polis di trafico ta topa cu un Chevrolet Cruze cu tawata wordo busca algun rato prome.
Informacionnan cu polis tawata tin ta cu den e auto lo tin 4 persona. Altura di airport un rato prome a perde e auto aki.
E momento eynan patruya di Santa Cruz tambe tawata busca e auto.
Un agente di trafico semper antento, a bay tira bista na unda e auto ta registra y ta haya esaki tambe.
Cu ayudo di Team di Aresto (Rapid Response Team) nan ta baha tur 4 hoben, y ta pone nan ariba rudia na muraya.
Mientrastanto agentenan tawata rista den e auto, buscando algo.
Algun rato despues un unidad di K9 tambe a yega y a laga e K9 controla e auto.
Buscando algo ilicito, lo por tawata droga of arma.
E cacho a sinta un rato patras ariba e sienta, pero no a spot nada.
Na final un otro patruya a yega y a cuminsa tuma datos di e tur e hobennan.
Pa loke ta e auto, esaki a wordo confisca y hiba warda cu takelwagen.