Home » Minister mr. Xiomara Ruiz-Maduro ta elabora riba cambio di prijs di productonan petrolero

Minister mr. Xiomara Ruiz-Maduro ta elabora riba cambio di prijs di productonan petrolero

by Admin
0 comment 75 views

“HERENCIA DI GOBIERNO ANTERIOR NO A LAGA ESPACIO FINANCIERO PA ABSORBA AUMENTO DI PRIJS DI GASOLIN”

Gobierno anterior a malogra nos pais y awor Gobierno nobo ta trahando duro pa bin cu solucionnan na beneficio di e consumidor

ORANJESTAD – Prijs di crudo riba mercado internacional a subi y esaki tin su consecuencianan pa nos pais Aruba. Durante reunion den Parlamento caminda a trata Presupuesto 2018 Minister di Finanzas, Asuntonan Economico y Cultura mr. Xiomara Ruiz-Maduro na un forma transparente a trece dilanti cu prijs di gasolin lo bay subi e luna aki.

E mandatario a splica cu pa locual ta e desaroyo di prijs esaki a bin ta subi. Si nos wak e desaroyo di prijs di gasoline di e periodo 2011-2017, por bisa cu mayoria biaha lunanan di februari, maart, april y mei, e prijs di gasolin ta subi. Pa locual ta e lunanan juni, juli y augustus e prijs ta varia hopi, esta subi y baha un tiki. Na luna di september y october e prijs ta cuminsa baha.

Tin varios factor cu ta influencia e prijs, locual ta pasando riba e mercado mundial, locual ta pasa na Venezuela y e escases di petroleo cu esaki ta trece cune, tur ta hunga un rol riba e prijs. Mester bisa cu pais Aruba na e momentonan aki no tin espacio financiero pa absorba ningun subida di prijs di gasoline. Esaki ta debi na e situacion financiero cu e Gobierno di Eman y su bende a laga nos pais aden.

Den un situacion asina ora cu prijs subi riba mercado internacional, esaki tin su consecuencia pa e prijs di benta na Aruba.
E mandatario ta trece dilanti cu a duna instruccion na departamento di asuntonan economico (DEZHI) pa nan sinta cu Refineria di Aruba (RDA) pa mira e posibilidad, awor cu tin Citgo Aruba como importador nobo di productonan rafina, pa por haci calculacionnan nobo cu kisas por beneficia e consumidor

Pueblo un vez mas ta experencia pruebanan cu e mal maneho financiero di Gobierno anterior di AVP a haci hopi daño na pais Aruba. Minister Xiomara Ruiz-Maduro a trece dilanti cu e Gobierno nobo lo sigui traha pa yega na solucion y beneficionan pa e pueblo consumidor.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio