Home » Parlamentario drs. Shailiny Tromp-Lee (MEP): Mocion pa Gobierno percura pa e subsidio necesario pa Arubus N.V. por duna servicio na prijs social na diferente grupo meta

Parlamentario drs. Shailiny Tromp-Lee (MEP): Mocion pa Gobierno percura pa e subsidio necesario pa Arubus N.V. por duna servicio na prijs social na diferente grupo meta

by Admin
0 comment 114 views

Durante tratamento di presupuesto 2018, Parlamentario Shailiny Tromp-Lee a trata e echo cu mescos cu na hopi pais cu a introduci un transporte publico, aki na Aruba tambe tin prijsnan reduci pa cierto gruponan den comunidad y Arubus N.V. ta ricibi subsidio di gobierno pa motibonan social pa por haci esaki. Alabes Parlamentario Tromp-Lee a remarca cu servicio di transporte publico door di Arubus ta hopi importante pa e forsa laboral, nos economía y e bida social aki na Aruba. Ta un echo cu costo di energía y subsecuentemente transporte en general na Aruba ta sigui aumenta drasticamente ultimo añanan pa motibo di desaroyo riba e mercado mundial.

Saliendo for di un temporada extenso di campaña Parlamentario Tromp-Lee ta indica cu un di e remarkenan hopi menciona ta cu ultimo tempo prijs di transporte publico ta ser considera hopi caro, principalmente pa esnan cu ta biba na San Nicolas y ta traha na Playa of e area hotelero. Mediante di e mocion Parlamentario Tromp-Lee kier a enfoca ariba e necesidad pa Gobierno percura pa e subisidio necesario pa Arubus N.V. por keda transporta nos grandinan (60+) na un prijs reduci of gratis, cu Arubus N.V. ta keda mantene semper un prijs social pa asina nos pueblo en general y particularmente esnan di menos recurso por haci uso di transporte publico. Por ultimo Parlamentario Tromp-Lee ta urgi gobierno pa percura pa e subsidio necesario pa Arubus N.V. por amplia e grupo cu actualmente ta haya prijs reduci of un prijs social.

Den e dictum di e mocion ta para lo siguiente: Parlamento di Aruba ta dicidi pa urgi gobierno di Aruba pa percura pa e subsidio necesario pa asina Arubus N.V. por keda duna servicio di transporte publico na un prijs social na e siguiente gruponan y amplia e lista cu algun otro: nos grandinan (60+), muchanan di scol, esnan cu ta cobra onderstand, esnan cu ta cobra Awg. 2500 of menos, gruponan social, deportivo y cultural y por ultimo nos scolnan.

E mocion a keda aproba unanimamente durante tratamento di presupuesto 2018 di Pais Aruba.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio