Home » Hubilario di sra. Saskia Werleman na Directie Wetgeving en Juridische Zaken

Hubilario di sra. Saskia Werleman na Directie Wetgeving en Juridische Zaken

by Admin
0 comment 99 views

ORANJESTAD – Diabierna, dia 4 mei 2018 sra. Saskia Werleman a celebra hunto cu su coleganan di D.W.J.Z. su 35 aña di servicio den Gobierno.

Sra. Saskia a cuminsa na aña 1983 na I.D.E.F.R.E (Instituto pa Deporte, Educacion Fisico y Recreacion) den administratie, trahando cu begroting y personeel. Depues di 1 aña na I.D.E.F.R.E., a tuma su overplaatsing pa J.A.Z. (Juridische en Algemene Zaken) y a traha den diferente funcion, como typiste,  a traha tambe cu Naturalisatieverzoeken y Lotterijvergunning V.I.’s.

Na  aña 1996 despues di Status Aparte  cu transpaso  di N.V. en A.V.V.  for di Antias Hulandes a lanta un Seccion  na J.A.Z. cu yama Afdeling N.V. en A.V.V.. E tawata e prome trahado administrativo pa loke ta trata keurmento di nombernan pa companianan N.V. y A.V.V.  pa Pais Aruba, pa tur notario di Aruba y Corsou, Trustkantoren y tur abogado di Aruba. Ademas di esey, e tawata traha e Disposicion Ministerial (Ministeriële Beschikking) y Departamento di Ontvanger tawata esun cu ta ricibi tur cobransa. Durante su carera e tawata sa di duna guia tambe na varios secretaria siñando nan con ta registra documentonan oficial di gobierno y ki ruta nan tin cu bay.

Sra. Saskia tambe tawata na disposicion di diferente minister, entre otro sr. Fredis Refunjol, sr. Edison Briesen, sr. Daniel Leo q.e.p.d., mr. Hendrick  Croes y por ultimo sr. drs. Candelario Wever.  Durante e periodo cu e tawata na disposicion di minister, sra. Saskia tawata den diferente comision e.o. Commissie Anti Roken y Warenverordening conhuntamente cu Fundacion Cas. El a forma parti di e Comision Verhuizing di D.W.J.Z. y tawata sa di scapa Gobierno di Aruba AWG. 20.000,00  na huur pa luna.

Sra. Saskia tawata e prome empleado administrativo cu a lanta e Seccion ‘Afdeling Rechtszaken’ di J.A.Z. Despues a cambia e nomber pa C.B.J.A.Z. y  actualmente ta conoci como D.W.J.Z.  Aki el a lanta e parti administrativo unda e ta labora cu 3 trahado.  Actualmente e ta traha cu 5 Procesgemachtigde di Pais Aruba y ta traha cu tur deurwaarder y oficina di abogado y tur departamento di  Gobierno y semi-gubernamental.

Sra. Saskia tambe ta basta activo den e parti social di trabou. E a forma parti di e Happy Hour Team di D.W.J.Z.  y  Bos di Husticia.   Den e intercambio aki Gemeenschappelijk Hof van Justitie  van Aruba en BES eilanden tawata profila nan mes como cantante di Aruba y Antia.

Riba e potret: Entrega di e tradicional envelop door di Minister di Husticia sr. mr. Andin Bikker y tambe sr. mr. George Croes, director di D.W.J.Z.

 

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio