Home » Parlamentario Arthur Dowers MEP ta confirma cu Rudy Croes a entrega radar na autoridadnan Hulandes

Parlamentario Arthur Dowers MEP ta confirma cu Rudy Croes a entrega radar na autoridadnan Hulandes

by Admin
0 comment 73 views

E insistencia di partido MEP di kita atencion di pueblo riba su falta di no por cumpli cu promesanan haci durante di campaña electoral, sigui su curso y Parlamentario di fraccion di AVP, sr Arthur Dowers a haci un apelacion riba politiconan di MEP pa bira serio y cumpli cu loe nan a priminti na pueblo.
Un di e promesanan haci durante di campaña ta cu MEP lo soluciona problema di criminalidad den 100 dia pero awor ta sigui busca forma pa tira culpa riba gobierno di AVP, pa colmo cu cartanan cu nan mes no ta compronde su contenido.
“Nos a tuma nota cu for di mi declaracion duna riba e situacion di radarnan di kustwacht cu lo no a wordo cuida y a despues a wordo elimina, MEP kier sigui insisti pa duna un splicacion cu no ta cuadra cu realidad.
No solamente esey pero MEP a haya ta bon di entrega prensa copia di un carta dirigi dia 8 di Maart di 2011 pa trata di mustra cu ta mi persona a laga e radarnan aki putri bay te cu nan mester a wordo elimina.
Na prome luga por ripara cu a kita hopi nomber for di riba e carta, na kende esaki tabata dirigi pero claramente ta un carta cu a wordo manda for di Ministerie Binnenlandse Zaken en Koninkrijkrealaties den cual ta wordo confirma cu ta Rudy Croes kende tabata Minister di Husticia pa partido MEP, a ofrece e dos ‘watradar’ na Kustwacht cu ta cay bou responsabilidad di Hulanda, y cual peticion a wordo trata den un reunion, esta e Kustwachtpresidium cu a tuma luga dia 23 di september di 2010.
E carta ta mustra cu despues cu a laga haci un investigacion di parti di Hulanda pa mira si Kustwacht por haci uzo di e dos walradarnan aki, ta bin sali afo cu nunca a mantene e dos aparatonan aki y cu nan ta asina deteriora y cu pa pone nan funciona lo costa demasiado placa y Hulanda a pidi pa destrui esakinan.
Pues ora cu MEP kier papia di entregamento di autonomia di servicio di radar nan papia cu Rudy Croes cu a ofrece e radarnan aki na Hulanda pero no tin busca excuus barata pa busca otro pa culpa pa motibo u MEP no por cumpli cu loke nan a priminti na pueblo cu nan lo bay haci.
Ora cu AVP a entrega poder na gobierno actual tabatin un suma di 3 miyon pa compra di material nobo den caha y cual suma mester aumenta awor pero ta keda na gobierno pa atende cu e asunto aki awor y MEP mester stop di sconde su incapacidad pa goberna cu excuus cu nan mes no ta kere aden,” Parlamentario Arthur Dowers ta declara.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio