Club Kibrahacha su Health Week tabata exitoso. E participantenan a keda hopi satisfecho di por tabata tin oportunidad di a haya un siman yena cu informacion y alavez oportunidad pa por a hasi nan chekeo regular di salud.
Bus di Salud tambe tabata tey presente durante Health Week. Un total di 140 persona a hasi uzo di e servicio di Bus di Salud.
Durante henter e siman tabata un programa yena cu charla cu topiconan interesante pa tur hende. Temanan cu a ser trata tabata manera alimentacion saludabel, lifestyle pa hende grandi, diabetes, movecion na cas, y tambe con alzheimer por cambia nos bida. Durante e siman di salud tabata tin oportunidad pa hasi chekeo di bista.
Club Kibrahacha ta gradici IBISA, Aruba Vision Center, Dr. Maritza Ordonez, Dellanire Maduro, Jean-Pierre van der Lak, Charlene Leslie y tur voluntario cu a yuda hasi e siman di salud exitoso.