Home » Celebracion Dia di Rey

Celebracion Dia di Rey

by Admin
0 comment 81 views

Gobierno di Aruba, diabierna mainta a celebra Dia di Rey cu un acto protocolario na Wilhelmina Park. Presente na e ocacion aki tawata Gobernador di Aruba, Ministernan di Gabinete Wever-Croes, Parlamentarionan, representantenan di Reino na Aruba, miembronan di cuerpo consular, miembronan di Marina Real y un publico hopi anima.

Un mainta hopi bunita na unda a duna inicio na e celebracion protocolar di e dia festivo anual aki na unda nos ta recorda e fecha natilicio di nos Rey Willem Alexander kende a acende e trono Hulandes 5 aña pasa. Na e ocacion aki, Presidente di Parlamento, señor Ady Thijsen a duna un discurso hopi elocuente y a enfoca riba e relacion den Reino y riba e union cu tin den Reino cu mester keda riba respet mutuo.

Durante e mainta, a haci entrega di e Copa Hubenil Gobernador Felipe B Tromp na hobennan cu a destaca den deporte den nos comunidad. Esnan cu a ricibi e premio ta e rumannan Chiara y Sophia Petrocchi, Elias Halabi y e atleta Paralimpico Shenely Tromp.

E mainta no a falta animacion cu e biaha aki tawata na encargo di Grupo Pierewietje na unda nos muchanan a duna un bunita presentacion musical y di baile. Na final di e evento tur invitado a goza di e desfile di gruponan hubenil uniforma.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio