Home » Chauffeur bou influencia ta hit and run un palo di lus y ta wordo deteni

Chauffeur bou influencia ta hit and run un palo di lus y ta wordo deteni

by Admin
0 comment 92 views

Weststraat: Diamars algo pasa di 12’or y mey di marduga, polis ta haya un informacion cu tin un Kia Rio shinishi riba L.G. Smith boulevard pasando Citgo Boulevard bay ariba, e bumper di dilanti tabata lastra riba caminda, haciendo hopi desordo, e hood tambe tabata kibra y e chauffeur tabata coriendo lus paga. Mesora ta manda un patruya den e area aki.

Mientras polis tabata yegando, nan ta bin compronde cu e auto a lora den Weststraat bay zuid y e chauffeur a staciona e auto den e parkeerplaats dilanti Seven West. Ela cana bay direccion di unda e snacktruck candela ta staciona. E tabata mustra bou influencia, e tabata hopi nervioso y tabata soda. E chauffeur tabata yamando un persona pa bin buske, e tabata haciendo hopi sospechoso. Polis na yegada ta topa cu e chauffeur dilanti di e Joyerianan pariba di Tommy Hilfiger, mesora a detene, mirando cu e tabata bou influencia y cu ela caba di hit and run un palo di lus na Turbo rotonde riba L.G. Smith Boulevard, na altura di Wendy’s.

Despues polis a bin topa enberdad cu e auto para den parkinglot di Seven West, tur cos tabata mustra cu e chauffeur lo a trata di pone e bumper bek na su lugar, pero no a logra, ruman muher di e chauffeur a presenta na e sitio y a logra bay cu e auto.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio