Flip Flop Opening Party
ORANJESTAD, Aruba: E fin di siman di Flip Flop Festival ta cuminsa awe diasabra cu e fiesta di apertura den Emotions Night Club. Directamente for di Hulanda e atraccion principal ta DJ Freddy Moreira y Da Ridlaz for di Curaçao.
Freddy Moreira no ta un desconoci na Aruba debi na su presentacionnan exitoso den pasado. Moreira ta residencia na Hulanda y ta un di e DJnan mas popular den fiestanan rond Hulanda. No ta algo inusual cu riba 1 dia e tin mas cu 5 presentacion. Su forma energetico di presenta ta algo unico cu ta transmiti un energia special entre e DJ y su publico.
Tambe for di Curaçao lo ta presente e duo Da Ridlaz. Da Ridlaz lo t’ey pa presenta varios di nan exitonan manera e.o. esun ma recien: Tiki Stressing / Hopi Blessing. Naturalmente e clasiconan manera Kabu Kabu y Amigo Falsunan no lo keda afo.
Pa Aruba tambe nos artistanan ta bon representa cu presentacion di Rasta (Freddy), Ritmo Real, DJ Big Rig, Renzo, Jason Croesy Kash.
Tur esaki lo cuminsa pa 10’or di anochi te cu 4’or di marduga y ta accesibel pa tur persona cu tin un ticket di Weekend Pass di Flip Flop of mesa di VIP. Pa esunnan cu no tin esakinan lo por cumpra carchi na porta di Emotions Night Club.
E carchinan pa Flip Flop Festival tanto general como weekend pass ta obtenibel na Citgo Palm Beach, Citgo Boulevard, Citgo Santa Cruz y Citgo Essoville. Flip Flop Festival is Powered by Chill Beer, Digicel, JDB Agency and Elite Productions & Entertainment.