Home » Parlamentario Endy Coes di MEP: Durante reunion di Parlamento a decifra mentiranan di AVP

Parlamentario Endy Coes di MEP: Durante reunion di Parlamento a decifra mentiranan di AVP

by Admin
0 comment 64 views

Dialuna desde 8.30 am a continua den sala di Parlamento di Aruba e reunion publico pa trata presupuesto 2018 di Pais Aruba. Durante e reunion aki a trata presupuesto di Minister Presidente Evelyn Wever Croes, esta Minister di Asuntonan General, Integridad, Innovacion y Energia. Alaves a trata tambe e carteranan di Minister Xiomara Ruiz Maduro, esta Minister di Finansas, Economia y Cultura.

Parlamentario Endy Croes sinembargo a bay poco den historia y a elabora riba e plannan di AVP cual a conduci nos den e situacion cu nos ta awe. A splica con Richard Arends cu ayudo di nan partido ruman CDA a skirbi e rapport como miembro di FESCA “Desaroyo Economico di Aruba”. Tambe Croes a splica di Plan AVP 2009 cu cual nan a gana eleccion y drenta gobierno. Parlamentario Croes a splica cu practicamente AVP a engaña pueblo di Aruba usando ‘trucjes y listige kunstgrepen’ y a comete ‘bedrog’ contra nos pueblo. A repasa 5 punto den Plan Aruba Ariba di AVP pa asina demostra pueblo cu AVP nunca a cumpli.

1. Riba pagina 4 AVP a splica cu no tin sentido pa bin cu mas camber di hotel. Lamentablemente ora nan a baha Benny y AVP a laga Aruba comprometi cu 7300 camber di hotel nobo.
2. Riba pagina 5 AVP a splica cu nan lo haci Aruba sigur atrobe, lo baha gastonan operacional di gobierno, lo stop nombramento di personal y lo elimina BBO. Puntra bo mes si nan a cumpli cu e promesanan aki.
3. Riba pagina 8 AVP ta splica cu nan lo mantene e cantidad di minister na 7 y lo reduci e cantidad di personal cu ta cay directamente bou di un minister, esta coordinador. Alaves lo
traha un presupuesto di mas aña sin deficit desde 2011. Puntra Bo mes con serio nan a cumpli cu esaki.
4. Riba pagina 20 AVP a stipula cu nan lo concentra pa mantene e edad di pensioen strictamente na 60 aña. Pueblo, e resultado ta conoci unda nan a claba e pueblo cu edad di pensioen di 60 pa 65 aña.
5. Otro engaño riba pagina 23 momento cu nan ta bisa cu lo elimina e deficit di AZV door di baha gasto y hiba un bon maneho. Pueblo, AZV awe ta costando riba 400 MIYON florin pa aña.

Parlamentario Endy Croes ta sigui splica cu e unico cos cu NO ta para den nan Plan Aruba Ariba 2009 ta e BAZV y hustamente esaki AVP a introduci y traiciona e pueblo cu 2% di BAZV. Cu esaki Croes kier splica pueblo e manera cu AVP ta maniobra, manipula y engaña un pueblo pa yega na poder. Ban hunto desaproba e manipulacionnan aki pa nunca pero nunca mas AVP por regresa den un gobernacion.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio