A Night of Glamour – The GoldMine Era – Un Evento Unico y Differente

Kiwanis Young Professionals Aruba (KYPA) pa e ultimo anjanan a bin ta treciendo differente fundraising event cu un toque differente y unico. Eventonan manera Wine & Tapas, Sunset Sushi, y Summer Glow a crece anja tras di anjas na differente localidad entre otro, Gari & Wasabi, Azia, Sand Bar, Emotions, Aruba Racquet Club, Oxygen, y tambe Plaza Daniel Leo. Tur exitoso y tur cu un toque differente. Sigur no por keda sin menciona cu 100% di e fondonan for di e eventonan aki a bai bek den differente projecto cu KYPA a bin ta haci e ultimo anjanan pa nos comunidad y en especial muchanan di nos comunidad.
Pa 2018 KYPA un biaha mas ta treciendo un otro Fundraising event cu sigur tin tur ingrediente pa bira un anochi inolvidabel. E anja aki KYPA ta presentando – A Night of Glamour – The GoldMine Era. Esaki lo ta tumando lugar April 30, 2018 y localidad di e anja aki ta Plaza Padu. Sigur un lugar differente y unico pa asina acapara historia y cultura den e tema di Oro. Orario di e anochi aki lo ta 8:30pm pa 1:30am. Entertenimiento pa e anochi aki lo ta den man di 2 di Aruba su bandanan preferi Buleria y D’licious unda cu por spera ambiente y setnan varia di tur tipo di genero di musica. Pa anjadi na e anochi aki tambe lo tey como guest stars e 2 artistanan cu a causa furor durante temporada di Carnaval 2018 esta Tony Mingo – T-Money & Freddy Richardson – Rasta. No por keda sin menciona cu pa e anochi lo tin un tremendo DJ Battle cu lo entrene publico esta Dj Sky y Beatz Entertainment. Esaki sigur no lo ta algo pa faya ja cu e dos cabayeronan aki lo ta banda di otro mesclando musica y dunando e publico un experencia differente.
Contribucion pa e anochi aki ta Afl 175,- cu ta inclui GoldBites y tambe un Premium OpenBar y sin duda un ambiente incomparabel. Sigur no por keda sin menciona un bes mas cu 100% di e fondonan recauda e anochi aki ta bai bek pa comunidad. Projectonan cu KYPA a bin ta ehecuta manera Christmas in a Box cual na fin di anja 2017 a logra yuda 111 famia di menos recurso. Differente donacionnan. Pasa dia cu muchanan di Imeldahof. Conhunto cu e famia grandi di Kiwanis tambe a aporta y yuda ‘hands on’ na K One Day y tambe Back to School project. Projecto na caminda ta entre otro den colaboracion cu Switch Foundation un documentario di riba topico di Human Trafficking. Tambe KYPA ta den proceso riba un projecto cu lo trece bek cu ta yama Placa Chikito unda ta sinja muchanan for di chikito con pa anda cu placa y e importancia di spaar. KYPA tambe ta sponsor un K-Kids program na Princess Amalia Basischool unda cu ta duna studiantenan oportunidad pa ta lider na un edad hoben y haci un differencia durante full e anja escolar.
April 30, 2018 – Plaza Padu ta e lugar. Check bo tickets na tur miembro KYPA of manda nos un inbox na nos facebook page of por yama tambe na cel 5689133… Nos ta wardabo; wak pa bo tey!