Aña di Rey Competencia di fli na Playa Pabao

Playa Pabao – Directiva di Centro di Bario Playa Pabao ta participa na e hubentud y adultonan di Playa Pabao y di Aruba engeneral cu e aña aki lo tuma luga su tradicional competencia di fli. E actividad aki ta tuma lugar diabierna 27 di april pues Aña di Rey na Centro di Bario Playa Pabao. Inscripcion ta tuma lugar riba dia di competencia for di 07.45am pa 08.45am y lo cobra e suma di 7.50 florin pa fli. Competencia di fli ta cuminsa 9 ór. Lo competi den 3 categoria: categoria A di 10 cm – 50 cm, categoria B di 51 cm – 100 cm y categoria C di 101 cm – 200 cm. Tuma bon nota cu den categoria A ta por inscribi 40 fli, Grupo B 80 fli y grupo C 40 fli. Directiva di Centro di Bario Playa Pabao ta pidi participantenan pa tuma bon nota di e categorianan y e orario di inscripcion y ta desea e participantenan tur clase di exito riba e dia aki. Lo tin un bar y cushina bon sorti. Pues bin celebra Aña di Rey den un ambiente familiar na Centro di Bario Playa Pabao. Y no lubida cu merdia di 2’or pm pa 5‘or pm tin oportunidad pa baila cu Rober Maduro y su grupo. Tambe lo tuma luga un torneo di domino cu ta luga entre 12 ‘or y 2’or.