Cura Cabay – Dialuna mainta trempan polis y ambulance a bay un adres na Cura Cabay, pa un señora di edad halto cu a cay den su cas.
Agentenan a logra drenta e cas via un bentana.
Paden agentenan a keda sorprendi di loke nan tawata mira. Un señora di 87 aña ariba vloer kehando di masha hopi dolor mes.
A constata cu e cas paden ta den situacion no higienico, tawata tin masha hopi stof y schimmels.
E señora ta bibando su so, segun nos a compronde su esposo a fayece.
Mucho cos di come e cas no tin, pa no bisa cu no tin nada mes den frigider.
Aparentemente masha poco hende sa bishite. Dialuna mainta momento cu e agentenan a drenta e cas, a tuma contacto cu un yiu homber.
Lamentablemente e lo a keda di pasa ora e caba di traha, e yiu aki lo ta esun cu supuestamente ta encarga cu tur cos di e mama.
Personal di ambulance a transporta e señora cu ta diabetico y ta sufri di un otro enfermedad mas pa Imsan.
Na Imsan lo bay chek si ela fractura su schouder of su man, momento cu ela cay.
Manera e caso aki tin hopi mas pasando na Aruba.
Dos grupo vulnerabel ta mucha y hendenan di edad halto.