Home » Rocco Tjon: Durante reunion publico den Parlamento a trata presupuesto di entre otro Ministerio di Husticia.

Rocco Tjon: Durante reunion publico den Parlamento a trata presupuesto di entre otro Ministerio di Husticia.

by Admin
0 comment 72 views

Lider di fraccion di MEP, sr. Rocco Tjon, MBA a elabora riba e presupuesto di e ministerio di Husticia durante reunion publico den Parlamento. Fraccion di MEP a entrega 149 pregunta na e minister en cuestion.

HUSTICIA
Puntonan cu a resalta for di e plan di maneho ta cu lo sigui cu e plan pa transforma e skol di polis den un academia di husticia y seguridad. Dicho plan a wordo entrega na e mandatario na November di aña pasa. Un otro punto positivo cu a resalta ta cu pa loke ta trata mantencion di e Instituto Coreccional Nacional (KIA) mas fondo lo wordo aloca.
Tin reorganisacionnan andando den diferente departamento y e mandatario a indica cu den un periodo di 6 luna esakinan lo keda formalisa. Ta trata aki di C.E.A. , K.I.A. , K.P.A. y Immigracion. Esaki ta un punto hopi importante si tene na cuenta cu e fundeshi pa un organisacion por funciona eficiente y eficaz, un “organisatie structuur” cu por adapta na e demanda interno y externo ta essencial.

MOCIONNAN Y AMIENDA
A entrega pa loke ta regarda e “orde diensten” bou e ministerio di Husticia 3 mocion y un amienda riba e ley di presupuesto. Importante pa nota ta cu esaki a sosode bou bon comprondimento cu e mandatario, pa segura cu e mocionnan por wordo ehecuta tambe. Ta trata di un mocion pa ekipa 8 vehiculo di polis cu e technologia necesario (computer y printer), “gevaren-premie” pa esnan cu ta traha na brandweer, Douane recherche, CEA y KIA. Y e amienda riba e ley di presupuesto ta pa segura cu miembronan di e Intern Bijstandsteam haña e pago cu nan tin derecho riba dje for di aña 2014.

HERDENKINGSMONUMENT
Por ultimo a entrega un mocion pa urgi gobierno pa traha un “herdenkingsmonument” pa nos colega cu a paga e prijs maximo pa sirbi nos pais. Esaki a wordo haci despues cu nos a consulta cu e famia. Internacionalmente ta comun cu esnan cu ta traha den husticia y cu paga e prijs maximo ta wordo recorda anualmente. Den e siguiente articulonan lo elabora riba cada mocion y e amienda riba e ley di presupuesto pa splica den detaye e motibo y e beneficio pa husticia.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio