Home » Parlamentario Sue-Ann Ras (MEP) durante tratamento di presupuesto: “NOS MESTER BISA TA BASTA NA DESPERDICIO DI INTELIGENCIA”

Parlamentario Sue-Ann Ras (MEP) durante tratamento di presupuesto: “NOS MESTER BISA TA BASTA NA DESPERDICIO DI INTELIGENCIA”

by Admin
0 comment 73 views

ORANJESTAD – Nos mester bisa ta basta na desperdicio di inteligencia. Asina parlamentario Sue-Ann Ras (MEP) a bisa durante su di dos disertacion riba e di dos dia di tratamento di presupuesto 2018 di pais Aruba. Segun Ras, e cifranan cu e tin, ta cofirma e crisis cu tin den enseñansa na Aruba. Pa fortifica su ponencia, Ras a mustra e cifranan di CBS, cu ta pinta un cuadro alarmante. “Mi no ta cansa di bisa esaki, p’e simpel motibo, cu e cifranan aki, ta e crisis den enseñansa, cu sigur a pone ami, como docente, mayor y ciudadano para keto y bisa ta basta na desperdicio di inteligencia, capacidad cognitivo y logro academico di nos hendenan.

CIFRA
Ras ta referi na e cifranan di Censo 2010 di CBS. Esaki ta e resultado di grado di educacion di sector laboral:
40% di nos poblacion laboral tin nivel di scol basico/sin scol
29% di nos poblacion laboral tin nivel di LBO/MAVO
9% di nos poblacion laboral tin nivel di HAVO/VWO
3% di nos poblacion laboral tin nivel di WO

Segun Ras, realidad ta, cu a inverti 4.7% di nos GDP den enseñansa, mientras UNESCO ta stipula esaki na 6%. UNESCO ta boga pa tur pais inverti den enseñansa di calidad. “Pero loke nos ex ministernan di enseñansa no por a compronde of kier a compronde ta, cu inverti den nos scolnan, no kiermen djis renoba fachada di scol, pero inverti den nos maestronan, pa eleva y amplia nan conocemento y ekipa nan cu herment cognitivo, pa enfrenta tur e retonan cu tin awendia” Ras a cuminsa na bisa.

INVERTI
Segun e Parlamentario, inverti den nos alumnonan brindando nan mas opcion realistico den e curiculo y oportunidad igual y husto pa nan saca nan maximo potencial, sin importa nan ekipahe of limitacion. Inverti den material didactico pa haci e lesnan mas atractivo y comprendibel y sin lubida, inverti den un metodo, cu realmente ta pas den nan contexto y sistema di aprendizahe. “Na momento cu bo tin tur esey bon ubica, e ora bo por inverti den renobacion y construccion di scol. Paso si e fundeshi y structura di di cas ta debil, aunke bo inverti miyones den renobacion, e fundeshi ta keda cu defecto”, Ras a finalisa bisando.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio